Moska ndryshon në mënyrë të njëanshme kufijtë detarë me Lituaninë dhe Finlandën

Autoritetet e Moskës kanë vendosur në mënyrë të njëanshme ndryshimin e kufijve detare të Rusisë me Lituaninë dhe Finlandën në Detin Baltik, sipas një projekt-dekreti qeveritar të publikuar mbrëmë online nga Kremlini.

Në detaje, Ministria ruse e Mbrojtjes ka propozuar miratimin e një liste të koordinatave gjeografike që përcaktojnë gjerësinë e bregdetit kontinental, detit territorial rus dhe ishujve Baltik që do të ndryshojnë kufirin në rajonin e eksklavave perëndimore të Kaliningradit.

“Aprovimi i projektit do të krijojë një sistem të munguar të vijave bazë të drejtë në pjesën jugore të ishujve rusë në Gjirin lindor të Finlandës pranë Baltiysk dhe Zelenogradsk, dhe do të lejojë përdorimin e tyre si ujëra të brendshëm”, thuhet në dokument.

“Kjo do të ndryshojë kufirin detar të shtetit rus, për shkak të ndryshimit të kufijve të jashtëm të detit territorial”.

Draft dekreti pohon se koordinatat gjeografike të mëparshme do të regjistroheshin në bazë të hartave të lundrimit detar që bazohej në kërkimet e shekullit të 20-të.

“Nuk korrespondojnë plotësisht me situatën aktuale gjeografike” dhe “nuk na lejojnë të përcaktojmë kufirin e jashtëm të ujërave të brendshme të Rusisë”.

Kaliningrad është rajoni më perëndimor i Rusisë. Është një enklavë, që do të thotë se nuk ka kufij të përbashkët me Rusinë kontinentale. Kaliningradi ka një rrip të bregdetit të Detit Baltik në perëndim, ndërsa kufizohet me Lituaninë në veri dhe lindje, dhe me Poloninë në jug.

Ai shtrihet në një sipërfaqe prej 15 mijë kilometrash katrorë.

Vendndodhja gjeografike e Kaliningradit është strategjikisht dhe ushtarakisht e favorshme për Rusinë. Është i vetmi port rus në Detin Baltik që është pa akull gjatë gjithë vitit.

Rusia ka gjithashtu raketa bërthamore në Kaliningrad, duke i vendosur ato brenda rrezes së goditjes së kryeqyteteve të mëdha evropiane. Vendet fqinje Lituania dhe Polonia janë shtete të BE dhe NATO-s.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.