Zëdhënësja e Lidhjes Demokratike të Kosovës, Sibel Halimi, ka thënë se dy javë pas vendimit të Gjykatës Kushtetuese që i bëri përgjegjës Prokurorinë dhe Policinë për jetën e Sebahate Morinës, heshtja është përgjigjja e vetme e shtetit.
Ajo ka kërkuar që vendimi i një autoriteti siç është Gjykata Kushtetuese duhet të përcillet me veprime konkrete, shkarkime dhe dorëheqje, duke shtuar se “heshtja nuk është kurrë përgjigje, por veprimi i vendosur i ligjit”.
“Kur shteti është patriarkal, vrasja e grave shndërrohet vetëm në lajme kronikash të zeza. Mobilizimi shoqëror për sundimin e ligjit dhe përgjegjësit e institucioneve të drejtësisë lidhur me mbrojtjen e grave dhe vajzave është emergjencë nacionale”, shkroi ajo në Facebook.
Ndryshe muajin e kaluar, Kushtetuesja konstatoi një seri shkeljesh në trajtimin e këtij rasti. Shkeljet e konstatuara hedhin përgjegjësinë mbi Policinë e Kosovës, përkatësisht Stacionin Policor në Graçanicë dhe Prokurorinë Themelore të Prishtinës se kanë dështuar në përmbushjen e detyrimeve të tyre pozitive në mbrojtjen e jetës së Sebahates.
Këto shkelje i kishte konstatuar një raport i hartuar nga Instituti i Kosovës për Drejtësi (IKD) në bashkëpunim me Rrjetin e Grave të Kosovës (RRGK).
“Një vendim i Gjykatës Kushtetuese që konstaton se një qytetareje të Kosovës i është shkelur e drejta për jetë dhe në të njëjtën kohë që janë shkelur edhe Standardet e Konventës së Stambollit, do të thotë është e papranueshme të mos ketë reagim institucional pas një vendimi kaq të rëndësishëm ”, thotë Arrita Rezniqi nga Instituti i Kosovës për Drejtësi (IKD), organizatë kjo që hartoi kërkesën kushtetuese në emër të fëmijëve të Sebahates.
Sipas të dhënave të institucioneve në 12 vjetët e fundit në Kosovë janë vrarë 50 gra.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
20 ekipe shpëtimi dhe dronë u dërguan në vendin e rrëzimit të helikopterit të presidentit iranian
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës
-
Perez: Orbani do të sakrifojë Kosovën për të mbajtur afër Serbinë
-
Rrëzohet helikopteri ku ndodhej presidenti iranian, sipas mediave shtetërore
Lajmet kryesore
-
Rrëzohet helikopteri ku ndodhej presidenti iranian, sipas mediave shtetërore
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës