Në mediat sociale po shumëfishohen postimet që tregojnë se çfarë ka ndodhur në shkolla të ndryshme vajzash në Teheran, Kermanshah dhe Ardabil.
Ka pasur disa sulme me gaz që helmuan qindra vajza dhe djem, të cilët më pas u dërguan në spital për ndihmë mjekësore.
Janë përfshirë 29 shkolla, duke përfshirë shkollën Baharan në Ardabil, 13 Aban dhe Khodabakhsh në Teheran, shkollën fillore Imam Hossein, shkollën e mesme Esmat dhe shkollën e mesme Khal’at Bari, si dhe Universiteti i Teknologjisë në Isfahan.
Sakaq, nuk është e qartë se si ndodhën sulmet.
Irani Human Rights Monitor flet edhe për 900 vajza të helmuara, 400 vetëm në Ardabil . Qyteti ka shpallur gjendje krize.
Në video, nënat dhe baballarët shihen duke bërtitur dhe shtrënguar duart me vajzat e frikësuara teksa mbulojnë fytyrat e tyre.
Shihen vajza të vogla në ambulancë, vajza të shtrira në shtretërit e spitalit.
Ky është një sulm tjetër kundër vajzave, një hakmarrje ndaj atyre që identifikohen si motori i revolucionit që shpërtheu pas vdekjes së Mahsa Amini-t, i cili vazhdon prej gati gjashtë muajsh.
Dhe vjen vetëm pak ditë më parë lajmi për zinxhirin e helmimeve të ndodhura në shkollat e vajzave në Qom, i cili u shtri në Teheran dhe qytete të tjera si Borujerd, Sari, Ardabil, Torbat Jam, Quchan dhe Kermanshah.
Flitet se autoritetet duan të mbyllin konviktet e vajzave dhe të nisin mësimin nga distanca sepse kanë frikë se vajzat do të organizohen dhe do të kthehen në protestë.
Autoritetet akuzojnë një grup – pa ndonjë referencë të saktë – që nuk dëshiron që nxënëset të shkojnë në shkollë, qytetarët e mbledhur para portave, si dhe dhjetëra aktivistë në Twitter, nuk kanë dyshime për autorët e vërtetë.
Marrë nga “Corriere della Seta”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Deklarata e Kurtit për 78 mijë vende të reja pune, Tahiri: Lëri përrallat, stop abuzimit me shifra imagjinare
-
Mustafa: Ndërkombëtarët s’pe kërkojnë Asociacionin tim e të Thaçit, por Zajedincën e Kurtit
-
Presidentja e Gjeorgjisë vë veton ndaj ligjit për “agjentët e huaj”
-
Arratisja e Sekiraqës, Haxhiu akuza ndaj gjyqtarëve: Ky rast ngre dyshime për përfshirje në korrupsion
Lajmet kryesore
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Mbi 16 mijë fluturime janë menaxhuar nga Albcontrol në gjysmën e majit
-
Iran, shtatë persona të varur në një ditë – dy prej tyre, gra
-
Mustafa: Ndërkombëtarët s’pe kërkojnë Asociacionin tim e të Thaçit, por Zajedincën e Kurtit