Komiteti Teknik i Ekspertëve në Shqipëri ka komunikuar të premten e 30 dhjetorit se po monitoron situatën epidemiologjike.
Kjo, ndërsa situata aktuale në vend paraqitet e kontrolluar por infeksionet COVID-19 po rriten në Kinë.
“Do të vlerësojmë hap pas hapi nevojën për masa shtesë në përputhje me dinamikën e zhvillimit të situatës epidemiologjike”, garantoi fillimisht zëvendës ministrja e Shëndetësisë Mira Rakacolli.
Ajo kujtoi se duhet të vazhdojmë të kryejmë vaksinat sipas rekomandimeve të mjekut të familjes, në mënyrë që të mos afektohemi nga një valë e re.
“Ata qytetarë të cilët kanë kryer dy dozat e vaksinës bazë dhe nuk kanë bërë dozën e tretë ose të katërt të rendin menjëherë drejt qendrave të vaksinimit dhe t’i kryejnë këto doza. Po ashtu edhe ata të cilët deri më sot nuk e kanë kryer akoma vaksinimin bazal të shkojnë drejt qendrave tona të vaksinimit për ta aplikuar këtë vaksinë”, shtoi zyrtarja shqiptare.
Sipas saj, kjo është e vetmja mënyrë e cila na mbron nga sëmundja dhe na mbron nga shpërthimi i një vale të re.
Kujtojmë që, mesatarja e rasteve të reja ditore në Shqipëri javën e fundit është 18, ndërsa incidenca dy javore është 8 për 100 mijë.
Ndërsa numri i rasteve aktive sot në Shqipëri është 195.
Në lidhje me vaksinimin në Shqipëri deri me sot janë aplikuar rreth 3 milionë e 282 mijë doza dhe popullsia paraqitet e vaksinuar në masën 60.8 për qind.
“Komiteti i Ekspertëve, pasi analizoi situatën epidemiologjike, në vend, në Evropë edhe më tej, vlerëson se do të vazhdoje të monitorojë me shumë kujdes dinamikën e kësaj situate, dhe do të vlerësojë masat e marra nga vendet e tjera dhe rekomandimet e ECDC-së dhe të OBSH-së”, përmbyllet njoftimi zyrtar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parashikimi i motit, 19 maj 2024
-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
-
Mbi 16 mijë fluturime janë menaxhuar nga Albcontrol në gjysmën e majit
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit