Nëndetëset e armatosura bërthamore Trident të Britanisë së Madhe janë vendosur në det për periudha rekord prej pesë muajsh secila.
Ndërkohë, një ish-komandant i marinës ka paralajmëruar se patrullimet më të gjata mund të ndikojnë në sigurinë operacionale.
Rob Forsyth, i cili ndihmoi në komandimin e nëndetëseve bërthamore Polaris në vitet 1970, ka thënë se “me patrullimet që tani zgjasin 150 ditë ose më shumë” sfida më e rëndësishme është disiplina e ekuipazhit.
“Rreziku i madh është se kjo rutinë e pandryshueshme, javë pas jave, çon në mërzitje, vetëkënaqësi dhe një rënie të pashmangshme të standardeve”, ka vijuar Forsyth.
Vitin e kaluar, një marinar u dënua me nëntë muaj burg pasi u përpoq të detyronte një kolege për të kryer marrëdhënie seksuale në një nëndetëse.
Kurse këtë vit, Adm Ben Key – kreu i Marinës Mbretërore – ka urdhëruar një hetim mbi akuzat “e neveritshme” për sulme seksuale dhe ngacmime të grave që punonin në nëndetëse.
Në vitin 2017, detarët në një nëndetëse Trident u pushuan nga puna pasi rezultuan pozitivë për përdorimin e kokainës.
Sipas Forsyth, shembujt e fundit të përdorimit të drogës dhe sjelljes së papërshtatshme seksuale të raportuara në media “me siguri janë pasojë e sfidave psikologjike të dislokimeve të gjata nënujore”.
“Kur ato zhvillohen në një mjedis përgjegjës për armët bërthamore, kjo krijon një nivel krejtësisht të ri shqetësimi, i mjaftueshëm për të pyetur nëse këto patrulla shumë të gjata janë një kërcënim për sigurinë e armëve bërthamore”, ka thënë ai.
Marina Mbretërore operon parandalimin e vazhdueshëm në det (CASD) në të cilin një nga katër nëndetëset e armatosura bërthamore është gjithmonë në patrullë.
Ato qëndrojnë gati për të goditur në rast që Britania e Madhe përballet me një sulm bërthamor ose një krizë ekstreme ushtarake.
Dikur patrullat nënujore zgjasnin tre muaj, por janë zgjatur pjesërisht sepse një nga katër nëndetëset Trident u riparua për shtatë vjet pas zbulimit të një rrjedhjeje në reaktor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani uron Plenkoviç-in për rizgjedhjen e tij si Kryeministër i Kroacisë
-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit