Çitaku, Kurtit: Në SHBA e përfaqëson Kosovën, jo LVV-në – thumbimi i partive opozitare jo i drejtë
Nënkryetarja e Partisë Demokratike të Kosovës, Vlora Çitaku, ka kritikuar fjalimin e kryeministrit të Kosovës, Albin Kurti, gjatë ceremonisë së nënshkrimit të marrëveshjes në mes të Kosovës dhe MCC-së në fushën e energjetikës, ku ky i fundit ka thumbuar partitë opozitare.
Sipas saj, thumbimi i partive opozitare në një ceremoni ku Kurti përfaqëson shtetin e Kosovës ka vënë në siklet nikoqirët e ceremonisë.
“Kryeministër, në SHBA e përfaqëson Kosovën, jo VV-në. Kur nënshkruan marrëveshje nënshkruan në emër të Kosovës, jo në emër të partisë”, ka shkruar ajo në rrjetin e saj social në Facebook.
Për Ish-ambasadoren e Kosovës në SHBA, qeveria Kurti nuk ka asnjë meritë në nënshkrimin e marrëveshjes me MCC-në.
“Në fakt qeveria vetëm e ka devijuar procesin nga gazsjellësi në bateri”, ka shtuar ajo.
Ndryshe në fjalimin e tij Kurti, ka zgjedhur të thumboj partitë opozitare, pasi sipas tij ai nesër do të ndihet i mërzitur kur opozita do ta votojë ratifikimin e marrëveshjes mes Kosovës dhe MCC-së.
“Unë duhet ta pranoj që jam pak i mërzitur që ministrja Rizvanolli dhe unë do të mungojmë në një prej rasteve të radha kur opozita na përkrah neve. Jam shumë i sigurt që edhe ata do të mërziten”, kishte thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
Protestuesit në Izrael kërkojnë dorëheqjen e Netanyahut dhe lirimin e pengjeve
-
53 milionë lekë dëm shtetit, arrestohet 1 person në Tiranë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit