Zyra e Jashtme e Mbretërisë së Bashkuar ka dënuar shfrytëzimin e të burgosurve të luftës dhe civilëve, pasi dy burra britanikë u kapën nga forcat ruse dhe u akuzuan si mercenarë në Ukrainë.
“Punonjësi i ndihmave Dylan Healy, 22 vjeç dhe vullnetari ushtarak Andrew Hill janë akuzuar për kryerjen e aktiviteteve mercenare”, thanë zyrtarët në Republikën Popullore të Donetskut (DPR).
Ata raportuan të premten se burrat po refuzonin të bashkëpunonin me hetuesit.
Zyra e Jashtme britanike theksoi se po heton në mënyrë aktive dhe po ofron mbështetje për familjet e burrave.
“Ne dënojmë shfrytëzimin e të burgosurve të luftës dhe civilëve për qëllime politike dhe e kemi diskutuar këtë me Rusinë”, tha FCDO në një deklaratë të shtunën.
Sipas tyre ata janë në kontakt të vazhdueshëm me qeverinë e Ukrainës.
Qytetarët e Britanisë së Madhe, të dënuar
Muajin e kaluar, dy britanikë dhe një maroken u dënuan me vdekje nga autoritetet në DPR për “aktivitete mercenare”.
Kjo pasi u kapën duke luftuar për Ukrainën kundër Rusisë dhe forcave të mbështetura nga Rusia, në atë që politikanët perëndimorë e cilësuan si një shfaqje.
Të afërmit e tyre thonë se ata ishin kontraktuar për të luftuar për ushtrinë ukrainase, dhe për këtë arsye nuk ishin mercenarë, por ushtarë të rregullt, të cilët kishin të drejtën e mbrojtjes nga Konventat e Gjenevës për trajtimin e të burgosurve të luftës.
TASS raportoi të premten se Gjykata e Lartë e DPR kishte marrë ankesa nga avokatët për Brahim Saadoun dhe Shaun Pinner, por se britaniku tjetër, Aiden Aslin, nuk kishte paraqitur ende një apel.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shkarkohet kryesindikalisti i Policisë së Kosovës, Imer Zeqiri
-
Dy të vdekur dhe pesë të zhdukur pas përplasjes me varkë pranë Budapestit
-
Vizita e Cameron në Tiranë: Fokus emigrantët dhe plani për gjyqësorin
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia