Minatorët e Bitcoin po zvogëlojnë prodhimin, pasi rënia e çmimeve të kriptomonedhave dhe rritja e kostove të energjisë shtrydh fitimet dhe godet aksionet e tyre.
Minatorët, të cilët përdorin kompjuterë të fuqishëm për të krijuar njësi të reja Bitcoin, janë detyruar ta ndryshojnë rrugën, pasi çmimet e kriptove në rënie kërcënojnë të minojnë investimet e tyre të mëdha në teknologji.
Shkalla e hash-it të Bitcoin, një masë e sasisë së fuqisë së dedikuar për krijimin e monedhave të reja, ka rënë 4 për qind që nga fillimi i javës. Rënia sugjeron që minatorët digjitalë po dedikojnë më pak burime kompjuterike për të thyer enigma komplekse, për të cilat ata shpërblehen me Bitcoin të sapokrijuar.
Të dhënat e Blockchain.com treguan gjithashtu se vlera totale e të ardhurave të paguara për minatorët ra në nivelin më të ulët në gati një vit.
Aksionet në minatorët e listuar Marathon Digital dhe Hut 8 kanë rënë rreth 40 për qind gjatë muajit të kaluar, ndërsa Argo Blockchain është ulur 35 për qind.
“Aktualisht, nuk është kënaqësi të jesh në biznesin e minierave”, tha Alexander Neumueller, drejtues i projektit të aseteve digjitale në Qendrën e Kembrixhit për Financat Alternative.
Tregu i kriptove është vënë nën tendosje pas muajve të rënies së monedhave të tij më të mëdha, duke zvogëluar vlerën e tregut nga 3.2 trilionë dollarë në nëntor në pak më pak se 1 trilion dollarë.
Bitcoin ka humbur më shumë se 50 për qind të vlerës së tij këtë vit, me humbjet që u përshpejtuan javët e fundit pasi monedha e qëndrueshme Terra u shemb dhe platforma e kreditimit Celsius bllokoi klientët e saj nga tërheqja e fondeve.
Didar Bekbaouov, një minator kazak dhe bashkëthemelues i kompanisë minerare Xive, tha se ai po “përshtatej me çmimet dhe realitetin e ri” dhe kishte fikur operacionet e minierave jofitimprurëse në kohën kur bitcoin ra nën 25 mijë dollarë.
Kompanitë që i janë drejtuar bankave apo tregjeve për kapital në të kaluarën tani po hasen me vështirësi; tregjet e kapitalit kanë rënë dhe oreksi për mbledhje fondesh është dobësuar, ndërkohë që normat e interesit janë rritur.
Kjo mund t’i detyrojë të tjerët të mbyllin operacionet e tyre ose të braktisin planet për të blerë më shumë kompjuterë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hovenier viziton në Leposaviq ushtarët amerikanë të KFOR-it
-
Varshava do të shpenzojë 2.3 miliardë për të forcuar kufirin e saj me Ukrainën
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Varshava do të shpenzojë 2.3 miliardë për të forcuar kufirin e saj me Ukrainën
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE