Scott Morrison, kryeministri i Australisë, ka deklaruar se qeveria e tij nuk do të frikësohet nga lëvizja “arrogante” e platformës Facebook për bllokimin e burimeve të lajmeve për përdoruesit.
Agjensia e lajmeve, BBC, shkruan se Morrison e ka konsideruar lëvizjen jomiqësore ndaj Australisë si arrogante dhe zhgënjyese.
“Veprimet e Facebook-ut duke ndërprerë shërbimet thelbësore të informacionit mbi shëndetin dhe shërbimet e urgjencës, ishin sa arrogante aq edhe zhgënjyese”, është shprehur Morrison duke shtuar se kompanitë e mëdha të teknologjisë mund të ndryshojnë botën, por jo ta drejtojnë atë.
Ky deklarim i kryeministrit australian vjen pas zgjedhjes së platformës Facebook, e cila i ktheu të gjitha faqet e saj lokale dhe globale të lajmeve të padisponueshme në Australi.
BBC sqaron se tërheqja e faqeve me përmbajtje lajmesh nga Facebook-u ishte një përgjigje e platformës ndaj ligjit të propozuar në Australi, i cili detyron kompanitë teknologjike të paguajnë për përmbajtjen e lajmeve në platformat e tyre.
Në betejën e Facebook-ut kundër ligjit ka qenë i pranishëm edhe Google-i. Sipas të dy platformave, ligji australian për pagesat kundrejt përmbajtjes së lajmeve nuk pasqyron mënyrën e funksionimit të internetit dhe penalizon në mënyrë të padrejtë platformat.
Mirëpo, ndryshe nga Facebook-u, Google-i pranoi të realizonte një marrëveshje pagese me tre nga mediat kryesore australiane.
Sipas BBC, tërheqja e Facebook-ut erdhi disa orë më vonë nga pranimi i Google-it për të paguar News Corp të Ripert Murdoch, lidhur me përmbajtjen e faqeve të lajmeve.
Nga ana tjetër, shumë australian janë treguar të zemëruar për mungesën e papritur të aksesit në burimet e lajmeve në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
Prodhuesit vënë bast për makinat hibride teksa kalimi në ato elektrike ngadalësohet
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit