Rakiç ultimatum Qeverisë: Paralajmëron reciprocitet nëse nuk lejohen votimet në Kosovë për zgjedhjet e Serbisë
Kryetari i Listës Serbe, Goran Rakiç, gjatë ditës së diel të 16 janarit në një konferencë për media në pjesën Veriore të Kosovës ku serbët lokal duke shprehur pakënaqësitë e tyre për moslejimin e mbajtjes së Referendumit në Kosovë po organizojnë një protest simbolike, ka potencuar se kryetarët e 10 komunave me shumicë serbe në Kosovë do të vendosin reciprocitet në Veri të vendit nëse Qeveria e Kosovës nuk e lejon mbajtjen e zgjedhjeve presidenciale serbe të 3 prillit.
“Nëse me 3 prill nuk lejohen zgjedhjet e Serbisë në Kosovë, atëherë do të vendoset reciprocitet dhe masat do të jenë serioze”, ka thënë Rakiç.
Sipas tij, ky lloj reciprociteti do të bëhet vetëm në komunat e Mitrovicës së Veriut, duke shtuar se më pas do të vendoset edhe në komunat tjera.
Rakiç nuk e ka mohuar mundësinë e vendosjes së barrikadave në pjesën Veriore të vendit, kur është pyetur nga gazetarët për një gjë të tillë.
“Nuk mund të përgjigjem është një pyetje hipotetike, por gjithçka është e mundur”, ka shtuar ai.
“Ashtu siç na trajton Prishtina, ashtu do t’i trajtojmë edhe ne”, ka vazhduar ai.
Më tej Rakiç ka pyetur se pse bashkësia ndërkombëtare nuk i ka hapur vendvotimet në Kosovë për referendumin serb.
“Fatkeqësisht, qendrat e votimit nuk janë të hapura. Kjo është diçka e papranueshme për ne, sepse ne nuk po kërkojmë asgjë më shumë nga ajo që kanë shqiptarët dhe boshnjakët – të drejtën e votës”, ka potencuar ai.
Ai ka shtuar se ende nuk kanë dëgjuar nga bashkësia ndërkombëtare pse nuk e kanë marrë si më parë materialin e votimit dhe nuk u mundësojnë serbëve të votojnë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE