Mesditën e 6 dhjetorit në prangat e Policisë së Durrësit kanë rënë pesë shtetas, mes tyre tre punonjës të OSHEE-së.
Përkatësisht janë arrestuar babë e birë për kultivim të bimëve narkotike me llamba dhe përshtatje të ambientit për këtë qëllim.
Ndërsa tre punonjësit e OSHEE-së janë arrestuar për moskallëzim krimi dhe shpërdorim detyre.
Policia ka sekuestruar bazën materiale elektrike që shërbente për kultivimin e kanabisit, me anë të ngrohjes.
Pas një pune gjurmuese, bazuar dhe në informacionet e marra në rrugë operative, për një ambient të përshtatur për kultivimin e bimëve narkotike u organizua dhe u finalizua operacioni policor i koduar “Meshigli”.
Gjatë këtij operacioni, në Shënavlash, u evidentua një banesë e përshtatur për kultivimin e bimëve narkotike, në të cilën kishte lidhje të paligjshme të energjisë elektrike.
U arrestuan në flagrancë shtetasi Sh. K. dhe djali i tij, shtetasi I. K., banues në fshatin Shënavlash.
Në katin e katërt të baneses së shtetasit Sh. K., u gjetën dhe u sekuestruan 15 kg e 100 gramë lëndë e dyshuar cannabis sativa dhe 254 bimë narkotike.
Në vijim të veprimeve janë arrestuar në flagrancë edhe shtetasit A., S. P. dhe A. K., punonjës së OSHEE-së, pasi nuk kanë kallëzuar për krimin dhe kanë shpërdoruar detyrën.
Ndërkohë materialet e sekuestruara do t’i kalojnë Prokurorisë së Durrësit për veprime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
Kurti i ankohet Allenit që Komiteti i Ministrave s’e shqyrtoi kërkesën e Kosovës për anëtarësim në Këshill të Evropës