Media sociale, Facebook, po prezanton veçori të reja për t’u dhënë njerëzve më shumë kontroll mbi atë që shfaqet në burimet e tyre të lajmeve.
Agjencia e lajmeve, “BBC”, tregon se Facebook-u ka qenë nën një shqyrtim intensiv vitet e fundit për mënyrën sesi algoritmet e tij promovojnë përmbajtjen.
Kështu që tani, ai po teston kontrollet për të “rregulluar renditjen e preferencave të njerëzve” dhe për të personalizuar furnizimin.
Veçoria e re përfshin rritjen e numrit të postimeve nga miqtë dhe të afërmit dhe zvogëlimin e atyre nga grupet dhe faqet.
Gjithashtu do t’i bëjë kontrollet që ekzistojnë “më të lehta për t’u aksesuar”, sipas Facebook-ut. Këto, të tilla si të preferuarat dhe veçoritë e shtyrjes, të cilat kryesisht janë brenda një nënmenuje të cilësimeve.
“Do të nisim testimin në vende të botës për një përqindje të vogël njerëzish, duke u zgjeruar gradualisht në javët në vijim”, ka zbuluar Facebook-u në postimin e tij të njoftimit.
“Kjo është pjesë e punës sonë të vazhdueshme për t’u dhënë njerëzve më shumë kontroll mbi burimin e lajmeve, në mënyrë që ata të shohin më shumë çka duan dhe më pak çka nuk duan”, ka vijuar njoftimi i tij.
Lëvizja vjen pasi Facebook-u dhe kompania e vet mëmë e sapo emëruar Meta, gjenden nën presion politik për t’i lejuar përdoruesit të shmangin sistemet e renditjes, tregon “BBC”.
E ashtuquajtura “renditje e bazuar në angazhim” ka qenë një objektiv i përsëritur i kritikave në dëshminë e denoncueses së kompanisë, Frances Haugen, e cila ka pohuar se Facebook-u i jepte përparësi përmbajtjes përçarëse.
Megjithatë, kompania teknologjike nuk pajtohet me këtë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush është Ilya Sutskever, shkencëtari i shkëlqyer që u largua nga OpenAI
-
Si e ktheu inteligjenca artificiale një YouTuber-e ukrainase në ruse?
-
Mustafa Suleyman: AI do të na bëjë të pasur, por nëse i bëjmë gjërat siç duhet
-
OpenAI konsideron të lejojë përdoruesit të krijojnë pornografi të krijuar nga AI
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia