Transformimet digjitale janë shtysë e jashtëzakonshme për rritjen e produktivitetit dhe rritjen në fushën e ekonomisë.
Ndërsa një ndër objektivat parësore të programit të Qeverisë së Kosovës është digjitalizimi, kurse agjenda e re digjitale do të jetë një nga pikat kryesore të strategjisë së re kombëtare të zhvillimit, ka thënë kryeministri i Republikës së Kosovës, Albin Kurti.
Ai këtë e ka thënë në hapje të konferencës më të madhe të rajonit në fushën e teknologjisë së informacionit dhe të komunikimit, KosICT 10 e cila mbahet në ambientet e Parkut të Inovacionit dhe Trajnimit në Prizren (ITP).
“Ne synojmë të përdorim transformimin digjital si nxitës për të përmirësuar administratën tonë publike, sistemin tonë arsimor, sektorin shëndetësor, sistemin e drejtësisë dhe të gjitha fushat e tjera të qeverisjes”.
Kryeministri në fjalën e tij ka treguar rreth angazhimeve të qeverisë në fushën e digjitalizimit dhe inovacionit.
“Zhvillimi i kapaciteteve njerëzore për nevojat e industrisë së TIK-ut është mundësia kryesore për çlirimin e potencialit të rritjes së këtij sektori në Kosovë”, ka thënë Kurti.
Ai ka folur edhe për Pakon e Ringjalljes Ekonomike, të miratuar nga Qeveria kohë më parë si një masë e cila mbështet trajnimet për teknologjinë e informacionit dhe komunikimit (TIK) dhe subvencionon pagat për të rinjtë që do të punësohen në këtë sektor.
Masa e ndërmarrë qeveritare synon të rrisë punësimin e të rinjve.
Gjithashtu, kjo masë ka për synim edhe adresimin e nevojave të industrisë së TIK-ut për profesionistë.
Parku i Inovacionit dhe Trajnimit në Prizren nga qeveria synohet të bëhet një qendër kombëtare dhe rajonale për ndërmarrësi dhe inovacion ka thënë Kurti.
Qeveria është e gathme të bashkëpunoj ngushtë me sektorin privat dhe akademinë në arritjen e objektivave të përbashkëta që synojnë zhvillimin e vendit tonë, ka deklaruar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE