Me shumë mundësi, Jesse Lingard do të largohet nga Manchester United këtë verë me parametra zero.
Futbollisti 28-vjeçar anglez po kalon një periudhë shumë të mirë në karrierën e tij.
Por, kualiteti i madh në skuadrën e United dhe lufta për një vend startues, nuk është ajo çfarë Lingard dëshiron në të vërtetë.
Futbollisti ka shprehur dëshirën që të jetë startues i përhershëm në një skuadër.
Se ka kualitet, ai e tregoi te West Ham-i, dhe në paraqitjet si zëvendësues këtë edicion te United.
Kontrata e Lingard skadon në qershor të vitit 2022, dhe në këtë mënyrë, ai nuk duket se do ta vazhdojë atë.
Interesi për të nuk është i vogël, dhe në fakt vjen nga dy skuadra të mëdha Evropiane, Barcelona dhe Milan-i.
Duke marrë parasysh gjendjen financiare, Barcelona tani po kërkon sa më shumë agjent të lirë, si me rastin e Aguero-s, Garcia-s e Depay-t.
Kurse sa i përket Milan-it, për kuqezinjtë ky trend vazhdon tash e disa vite.
Lingard synon të luajë në Champions League, andaj dhe vendimi i tij në fund të sezonit do të bazohet te pozicioni i skuadrave të lartëpërmendura.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE