Në vitin akademik 2021-2022, dy javë përpara datës zyrtare të fillimit të vitit shkollor, do të zhvillohen mësime plotësuese në të gjitha shkollat, për të plotësuar mangësitë në njohuritë e nxënësve.
Kështu është shprehur ministrja e Arsimit, Sportit dhe Rinisë (MASR), Evis Kushi, gjatë konferencës kombëtare që u zhvillua të martën e 13 korrikut, me Agjencinë për Sigurimin e Cilësisë në Arsimin Parauniversitar (ASCAP) dhe MASR-ja.
Kushi tha se “ky do të jetë një plan fleksibël në varësi të nevojave specifike që ka çdo shkollë apo zyrë arsimore”.
Kjo konferencë u organizua për të analizuar arritjet, prioritetet dhe sfidat në politikat arsimore në lidhje me zotërimin e kompetencave të të nxënit dhe me zhvillimin profesional të mësuesve.
Në fjalën e saj përshëndetëse, ministrja Kushi falënderoi mësuesit dhe ekspertët e arsimit për punën dhe solidaritetin e treguar gjatë këtij viti shumë të vështirë për arsimin.
Gjithashtu, Kushi falënderoi ASCAP-in dhe partnerët zhvillimorë, si UNICEF Albania, UNESCO, OECD, dhe KLSH për vlerësimet, sugjerimet dhe rekomandimet që kanë bërë në mbështetje për përmirësimin e punës në arsim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
53 milionë lekë dëm shtetit, arrestohet 1 person në Tiranë
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Polonia do të shpenzojë 2.3 miliardë euro për sigurinë e kufirit me Rusinë dhe Bjellorusinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit