Sekretari amerikan i Shëndetësisë, Xavier Becerra, i ka kërkuar në nivel ministror Organizatës së Kombeve të Bashkuara për të lejuar ekspertët ndërkombëtarë të vlerësojnë prejardhjen e Covid-19, në atë që e ka quajtur “një hetim transparent” të origjinës së virusit.
Sipas raportimeve mediatike, ka fakte në rritje se Covid mund të ketë ardhur nga brenda një laboratori kinez. I dyshuar është pikërisht ai i Wuhan-it, ku u regjistrua edhe rasti i parë në vitin 2019.
Që prej asaj kohe, në botë ka pasur mbi 167 milionë raste të regjistruara me Covid-19. Prej tyre, 3.4 milionë kanë humbur jetën.
Në mars të vitit 2021, një hetim i OBSH-së doli në përfundimin se prejardhja laboratorike është thuajse e pamundur.
Gjithsesi, është theksuar se ka nevojë për hetime të tjera.
Nga inteligjenca amerikane janë shtruar pyetje të shumta mbi këtë vendim.
Nga Pekini zyrtar, çdo akuzë e prodhimit në laborator të virusit, është mohuar.
Sekretari Becerra, gjithashtu, nuk i është drejtuar në emër Kinës kur ka kërkuar rivlerësim të origjinës.
Nuk bëhet me dije, nga ana tjetër, nëse OBSH-ja do ta pranojë kërkesën e SHBA-ve për hetim të rivlerësuar. Zyrtarët kinezë, shpeshherë, kanë shprehur mospranimin e hetimeve ndërkombëtare në Wuhan. Kjo, duke argumentuar se hetimet janë kryer nga autoritetet kineze dhe janë në dispozicion të të gjithëve.
Pavarësisht kësaj, jo pak herë, besueshmëria e tyre është vënë në diskutim.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE