Ministrja e Punëve të Jashtme, Olta Xhaçka, ka bërë me dije nëpërmjet një statusi në Twitter, qëndrimin zyrtar të Shqipërisë, lidhur me çështjen e gazetarit bjellorus, Roman Protasevich, i cili u burgos pas diversionit që një avion i linjës Athinë-Vilnius, bëri drejt Minsk-ut.
“Të shokuar nga pengmarrja e Ryanair. Shqipëria i bashkohet thirrjeve për hetim ndërkombëtar në këtë incident serioz dhe të rrezikshëm. Të lirohet Roman Protasevich”, shkruhet në postimin e Xhaçkës.
Shocked by #Ryanair hijacking. Albania joins calls for international investigation into this serious & dangerous incident and release of #RomanProtasevich.
— Olta Xhaçka🇦🇱 (@xhacka_olta) May 24, 2021
Kështu, Shqipëria i bashkohet qëndrimit të aleatëve të mëdhenj botërorë.
Presidentja e Këshillit Evropian, Ursula von der Leyen, shprehu shqetësimin e menjëhershëm mbi çështjen. Ajo paralajmëroi edhe masa, të cilat pritet të merren ndaj Bjellorusisë.
Po të njëjtën gjë ka bërë edhe Sekretari amerikan i Shtetit, Antony Blinken, duke paralajmëruar sanksione.
Protasevich është një ndër kritikët më të mëdhenj të regjimit të Alexander Lukashenko-s. Ai është themelues i një aplikacioni, nëpërmjet të cilit transmetohen lajme që demaskojnë regjimin e presidentit të tre dekadave të fundit.
Shefi i Ryanair nga ana tjetër, Michael O’Leary, mendon se në bord të avionit, ka pasur agjentë të shërbimit sekret KGB.
Sipas tij, rrëmbimi është i “sponsorizuar nga shteti”. Mbi qëllimet e rrëmbimit, ai pretendon se “gjithçka është bërë që Protasevich të largohet nga partnerja e tij”.
Kjo ngjarje ka marrë vëmendje të gjerë botërore. Më së shumti, pasi është cilësuar si një sulm i pastër ndaj fjalës së lirë – fjalë e lirë, e cila është sanksionuar jo pak herë nga regjimi i Lukashenkos në vitet e pushtetit të tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE