“Sjellja mizore dhe e jashtëligjshme e regjimit bjellorus do të ketë pasoja. Përgjegjësit për pengmarrjen e fluturimit të Ryanair, duhet të sanksionohen”.
Ka qenë ky reagimi i presidentes së Këshillit Evropian, Ursula von der Leyen, pas diversionit të fluturimit nga Athina në Vilnius, drejt Minsk-ut.
“Gazetari Roman Protasevich duhet të lirohet menjëherë”, vijon postimin në Twitter von der Leyen.
Gjithashtu presidentja e KE-së, ka njoftuar se një mbledhje do të zhvillohet për të vendosur aksionin ndaj presidentit bjellorus, Alexander Lukashenko.
Kritika kanë ardhur edhe nga Washingtoni. Sekretari amerikan i Shtetit, Antony Blinken, ka dënuar arrestimin e Prtasevich-it.
“Akt shokues i ridrejtimit të fluturimit komercial dhe arrestimit të gazetarit. Kërkojmë hetim ndërkombëtar dhe po koordinojmë hapat e ardhshëm me partnerët tanë”, shkruan Blinken.
Sekretari i Shtetit ka mbështetur edhe popullin bjellorus, duke i siguruar se SHBA-të janë pranë tyre.
Të njëjtën gjë ka bërë edhe homologu i tij britanik, Dominic Raab.
“Britania e Madhe është e alarmuar nga raportimet e arrestimit të gazetarit Protasevich. Po koordinohemi me aleatët tanë”.
Raab ka siguruar gjithashtu se ky veprim i regjimit të Lukashenkos, do të ketë implikime të mëtejshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
FMN ul parashikimin për rritjen ekonomike të Shqipërisë këtë vit
-
Protestë para Bashkisë Tiranë/ Qytetarët hedhin molotovë e tymuese
-
A ka Irani bombë atomike? Dhe në çfarë faze është programi bërthamor?
-
Kurti në 11 vjetorin e marrëveshjes Kosovë-Serbi thotë se dakordimi i tij me Vuçiç-in adreson gjetjet e Kushtetueses për Asociacionin