7 personat e sanksionuar nga Kosova të dyshuar se bashkëpunojnë me “Hezbollah”, nuk janë shqiptarë
Të enjten e 28 tetorit u publikua lajmi se Qeveri e Kosovës ka sanksionuar shtatë persona dhe një kompani të quajtur “AID-ar Properties”, me veprimtari në Kosovë, nën dyshimin se kanë lidhje me grupin ushtarak të Libanit, Hezbollah.
Të premten, Ministria e Punëve të Jashtme dhe Diasporës ka bërë të ditur se këta persona nuk janë shqiptarë.
Sipas MPJD-së, masat e vendosura demonstrojnë angazhimin e Kosovës si pjesë aktive e aleancave ndërkombëtare kundër terrorizmit dhe ekstremizmit të dhunshëm.
Sanksionet konsistojnë me ngrirjen e aseteve, ndalimin e udhëtimit dhe ndalimin e vënies në dispozicion të fondeve nga individët dhe entitetet në Kosovë.
Në faqen e ZKM-së, janë bërë të ditur edhe emrat e këtyre personave.
Individët ndaj të cilëve janë vënë sanksione janë: Ali Reda Hassan al-Banai, Ali Red al-Qassabi Lari, Abd al-Muayyid al-Banai, Abd al-Rahman Abd-al-Nabi Shams, Yahya Muhammed al-Abd-al-Muhsin, Majdi Fa’iz al-Ustadz, Sulaiman al-Banai, si dhe kompania AlDar Properties.
Qeveria e Kosovës me datë 23 qershor 2020 e ka shpallur si organizatë terroriste krahun politik dhe atë ushtarak të Hezbollahut.
Hezbollah, grup shiit i Libanit, ka punuar me Iranin në Lindje të Mesme, prej kur është themeluar më 1982.
Garda Revolucionare e Iranit, e ka themeluar këtë grup më 1982 për të përhapur Revolucionin Islamik dhe për të luftuar forcat izraelite, që kishin pushtuar Libanin po atë vit.
Hezbollah përkrah ideologjinë islamike shiite të Teheranit, dhe e konsideron liderin suprem të Iranit, Ayatollah Ali Khamenei si udhëzues politik dhe shpirtëror.
E shpallur nga Shtetet e Bashkuara dhe shtete tjera perëndimore si organizatë terroriste, Hezbollah e ka një krah të fuqishëm ushtarak, që e ka pranuar se është i armatosur dhe i financuar nga Irani.
Çfarë është Hezbollahu?
Përvoja ushtarake e fituar nga luftimet në luftën civile të Sirisë dhe dekada të përleshjeve me Izraelin e kanë bërë grupin e mbështetur nga Irani më të fortë se kurrë, por kërcënimi më i madh me të cilin përballet mund të jetë trazirat në oborrin e shtëpisë së tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Perez: Orbani do të sakrifojë Kosovën për të mbajtur afër Serbinë
-
Helikopteri i presidentit iranian pëson ‘ulje të vështirë’
-
Forca Detare shqiptare dërgon anijen e dytë në operacionet e NATO-s
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
Lajmet kryesore
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
De Rui: Drafti i Lajçakut të dërgohet në Gjykatën Kushtetuese