Plagoset një zyrtar policor në Klinë

Një zyrtar policor është plagosur në Klinë, teksa ishin duke u përballur me disa hajna që kishin hyrë në shtëpinë e një prifti në Zllakuqan të Klinës.

Lajmin e ka konfirmuar zëdhënësi i policisë për rajonin e Pejës, Fadil Gashi.

“Sot në orët e mëngjesit, rreth orës 03:56 stacioni policor në Klinë është njoftuar se në fshatin Zllakuqan në shtëpinë e banimit të priftit kanë hy disa persona”.

“Policia menjëherë ka dalë në vend të ngjarjes dhe me të arritur aty, afër objektit kanë hasur në rezistencë me ç’rast një zyrtar policor është lënduar nga arma e zjarrit”, ka thënë Gashi për rastin.

Teksa për gjendjen shëndetësore të policit është thënë se është stabile, ndërsa rasti po vazhdon të hetohet nga policia.

Që nga përfundimi i luftës së fundit, 20 zyrtarë të Policisë kanë humbur jetën në detyrë.

Rasti i parë ishte regjistruar në shtator të vitit 2001.

Së fundmi, një grup i armatosur, që sipas autoriteteve përbëhet prej rreth 30 personash, sulmuan Policinë e Kosovës në Banjë të Zveçanit më 24 shtator, duke lënë të vrarë rreshterin Afrim Bunjaku.

Me legjislacionin në fuqi, e drejta e kompensimit nga buxheti i shtetit u takon dy kategorive: familjarëve të zyrtarëve policorë që vdesin në detyrë dhe atyre në kryerje të detyrës.

Policia e Kosovës, vazhdon të përballet me mungesën e sigurimeve shëndetësore.

24-vjetori i policisë, shteti i lë pa sigurime shëndetësore dhe shtesa për rrezikshmëri

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.