Policia e Shtetit njofton se mëngjesin e 27 marsit, pas kërkimeve intensive dhe të pandëprera, zjarrëfiksit bënë të mundur gjetjen e trupit të pajetë.
Dyshohet se trupi i përket shtetasit Arjan Sala, 32 vjeç.
Sala punonte si punonjës i shërbimit të sigurisë të një kompanie private pranë qendrës tregtare Casa Italia.
Njoftohet se grupi hetimor vijon punën për sqarimin e plotë e rrethanave të ngjarjes.
Zjarri ra nё njё magazinë me një sipërfaqe prej 1 mijë metra katrorë. Kjo magazinë ishte dhënë me qera një subjekti privat për tregtimin e rrobave.
Zjarri mori përmasa të mëdha për shkak të materialeve lehtësisht të djegshme.
Pasi shpëtoi 25 punonjёs tё tjerё, shefi i sigurisё Arjan Sala, mbeti i bllokuar në katin e nëndheshëm të magazinës.
Familjarët, që prej pasdites së 24 marsit, kërkuan që të bëhej e mundur nxjerrja e trupit të pajetë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
A mundet Netanyahu të pengojë zgjedhjet e parakohshme dhe një strategji për Gazën?
-
De Rui: Drafti i Lajçakut të dërgohet në Gjykatën Kushtetuese