Zgjatet marrëveshja e grurit ukrainas me 120 ditë

Është arritur akordi për zgjatjen e marrëveshjes së grurit ukrainas me 120 ditë, sipas presidentit ukrainas, Volodymyr Zelensky dhe ministrit ukrainas të Infrastrukturës, Oleksandr Kubrakov.

Përmes postimeve në median e tyre sociale Twitter, ata kanë bërë me dije se periudha për të cilën akordi është arritur, është prej 120 ditësh.

#BlackSeaGrainInitiative will be prolonged for 120 days. 🇺🇦 @ZelenskyyUa together w/ @antonioguterres 🇺🇳@UN, 🇹🇷 @RTErdogan & Minister of Defence Hulusi Akar @tcsavunma made another important step in the global fight against the food crisis.

— Oleksandr Kubrakov (@OlKubrakov) November 17, 2022

Teksa, kanë theksuar se kërkesa fillestare ka qenë për shtyrjen me një vit dhe për përfshirjen e Portit të Mykolaivit në skemë.

Megjithatë, ashtu siç shkruajnë të dy politikanët, po pritet ende një zyrtarizim i të gjitha kushteve të akordit, nga zyrtarët turq dhe ata të Organizatës së Kombeve të Bashkuara.

Pjesë kryesore e arritjes së kësaj marrëveshjeje, sipas vetë Kubrakov, ka qenë edhe presidenti i Turqisë, Recep Tayyip Erdogan, i cili kushtet e tanishme është edhe emri kryesor ndërmjetësues mes Ukrainës dhe Rusisë, pas agresionit rus me fillim në 24 shkurt 2022.

Grain Deal will be prolonged for 120 days. 🇺🇦 together with @antonioguterres and @RTErdogan made key decision in the global fight against the food crisis. Waiting for official announcement from partners – 🇹🇷 and 🇺🇳.

— Володимир Зеленський (@ZelenskyyUa) November 17, 2022

Po ashtu, Kubrakov shton në fjalën e tij se kjo është një arritje e rëndësishme për gjithë botën, duke iu referuar luftës ndaj krizës globale ushqimore.

Kievi është ndër prodhuesit më kryesorë të grurit në botë dhe me zhbllokimin e parë të tregtisë së grurit pas luftës, 10 milionë tonë dolën nga portet ukrainase, për t’u shpërndarë në tregjet botërore, duke lehtësuar tregun.

Nëse porti i Mykolaivit përfshihet po ashtu në marrëveshje, atëherë kemi të bëjmë me një sukses të mëtejshëm, pasi nga aty mund të dalë një sasi edhe më e madhe gruri, duke ngopur më tej tregun dhe duke ndihmuar në uljen e çmimit.

Edhe për Zelenskyn, kjo është një arritje e madhe, së bashku me partnerët si Erdogan dhe Sekretari i Përgjithshëm i Kombeve të Bashkuara, Antonio Guterres, për të zgjidhur krizën ushqimore në të cilën bota ndodhet.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.