Një zyrtar i Policisë së Kosovës është plagosur të mërkurën e 22 nëntorit nga një grup grabitësish të maskuar dhe të armatosur në Komunën e Suharekës, ndërsa Albanian Post ka siguruar pamje të reja nga momenti i plagosjes së policit kosovar në përpjekje për të parandaluar rastin.
Në video shihet një person i armatosur duke shtënë me armë zjarri (AK-47) në drejtim të patrullës policore. Një prej zyrtarëve policorë ka mbetur i plagosur, por është jashtë rrezikut për jetë. Policia e Kosovës ka njoftuar se katër të dyshuarit janë ende në arrati dhe rasti është nën hetime.
Edhe në pamjet e xhiruara nga qytetarët në vendin e ngjarjes shihen tre grabitës brenda lokalit të argjendarisë duke kryer vjedhjen, ndërsa i katërti bënte rojë jashtë lokalit. Në momentin kur patrullat policore kanë arritur në vendngjarje, grabitësit kanë filluar të shtien në drejtim të zyrtarëve policorë.
Sindikata e Policisë së Kosovës, nëpërmjet një komunikate për media të enjten, ka kërkuar nga organet e drejtësisë dënimin meritor ndaj personave që kanë sulmuar Policinë e Kosovës gjatë grabitjes së armatosur në një argjendari në Suharekë pasditen e së mërkurës.
Përveç policit të plagosur nuk është raportuar për ndonjë person tjetër që mund të ketë marrë lëndime. Policia e Kosovës ka aktivizuar “unazën e çeliktë” të mërkurën – sistemin e vendosjes së pikave të shtuara të policisë në lokacione të ndryshme për të lokalizuar e identifikuar veturën e dyshuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
-
Të punosh në Vatikan: Vetëm një ditë leje për lindjen e fëmijëve, sanksione edhe për sjelljen në jetën private
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit