Sipas mediave turke, Faruk Fatih Özer do të ekstradohet në Turqi brenda 48 orësh

Nga mediat turke është pohuar të shtunën e 15 majit se biznesmeni turk i kriptovalutës Faruk Fatih Özer do të ekstradohet në Turqi nga Shqipëria brenda 48 orësh.
Sipas lajmit të TRT Haber që mbështetet, sipas tyre, në burime të nivelit të lartë të sigurisë, operacioni Thodex është planifikuar të përfundojë brenda pak ditësh.

Në lajme u njoftua se transaksionet në lidhje me Ozer pritet të përfundojnë brenda pak ditësh. Ndërkohë, policia turke e cila shkoi për të mbështetur operacionin në Shqipëri është kthyer në Turqi.

Në lajme citohet se: “Kur Faruk Fatih Özer të kapet, ai do të sillet i pari para autoriteteve gjyqësore shqiptare. Sidoqoftë, meqenëse ai nuk ka kryer një krim brenda kufijve të Shqipërisë, ai nuk do të gjykohet në këtë vend. Meqenëse pasaporta e Özer, i cili kontrollohet me një njoftim të kuq, është e kufizuar, atij do t’i lëshohet një pasaportë e re. Pastaj do t’i dorëzohet Interpolit. Ai do të kthehet në Turqi brenda 48 orësh”.

Nga ana tjetër, në lajme, u shpreh se procedimet gjyqësore të atyre që ndihmuan Faruk Fatih Özer në Shqipëri do të zhvilloheshin në këtë vend dhe të dyshuarit do të sillen në gjykata më vonë për të dëshmuar.

Nga arratisja deri tek procedimi penal

Prokuroria e Tiranës hapi një procedim penal ndaj biznesmenit turk të kripto-valutës Faruk Fatih Ozer.

Nga komunikimet e vazhdueshme me Policinë e Shtetit, Albanian Post është përditësuar lidhur me kërkimet që vijojnë ende për gjetjen e tij.

Hapja e procedimit penal ishte hapi i rradhës formal nga ana e institucioneve për kapjen e Ozer, i cili është arratisur nga Turqia dhe mendohet të ketë hyrë në Shqipëri gjatë datës 20 prill.

Ndërkohë, ndërsa përpjekjet për kapjen e Faruk Fatih Özer vijojnë, janë zbardhur disa foto të tij. Në fotografi, Özer shihet duke hyrë në hotelin ku po qëndronte në Tiranë.

Themeluesi i kriptomonedhës turke u largua nga Turqia me 2 miliardë dollarë të marra nga investitorët.

Thodex ishte pjesë e bumit të kriptovalutave që kishte tërhequr shumë turq që kërkonin të mbronin kursimet e tyre nga inflacioni i shfrenuar dhe një monedhë e paqëndrueshme.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.