Sekretari i Mbrojtjes së Mbretërisë së Bashkuar, Grant Shapps, falënderoi dhe ndau Medaljen e Shërbimit Operativ (OSM) për personelin e Batalionit të Parë të Regjimentit Mbretëror të Princeshës së Uellsit që kontribuoi në operacionet paqeruajtëse të NATO-s në Kosovë (KFOR), derisa ky vit shënon 25-vjetorin e prezencës ushtarake të NATO-s në vend.
“Burrat dhe gratë e guximshme të Regjimentit Mbretëror të Batalionit të Parë të Princeshës së Uellsit kanë bërë krenare Mbretërinë e Bashkuar dhe ishte një privilegj i madh për mua t’u ndaja atyre medalje për rolin e tyre në këtë mision vendimtar të NATO-s”, tha ministri britanik i Mbrojtjes gjatë ceremonisë në Kazermën e Artilerisë Mbretërore në Woolwich.
NATO-ja njoftoi në fillim të tetorit të vitit të kaluar se 200 ushtarë britanikë të Regjimentit Mbretëror të Batalionit të Parë të Princeshës së Uellsit do të dislokohen në Kosovë për ta përforcuar misionin e KFOR-it, pas sulmit terrorist të paramilitarëve serbë ndaj Policisë së Kosovës në Banjë të Zveçanit – komunë e banuar me shumicë serbe – në pjesën veriore të Kosovës.
Këshilli i NATO-s autorizoi forca shtesë nga Mbretëria e Bashkuar pas kërkesës së Komandantit Suprem të NATO-s për Evropën (SACEUR), gjeneralit amerikan Chris Cavoli, për të adresuar situatën aktuale, derisa Shefi i Shtabit të Mbrojtjes, admirali britanik Sir Tony Radakin, deklaroi se ky dislokim do t’i japë forcë dhe ekspertizë misionit paqeruajtës të KFOR-it.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
-
Osmani uron Plenkoviç-in për rizgjedhjen e tij si Kryeministër i Kroacisë
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Osmani takon të dielën Nënsekretaren Allen, nënshkruajnë marrëveshje kundër manipulimit të informacionit
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit