Sarah Ferguson zbulon detaje mbi betejën me kancerin

Dukesha e Jorkut, Sarah Ferguson ka folur për mënyrën se si familja e saj u mblodh pasi ajo u diagnostikua me kancer gjiri gjatë verës.

Javën e kaluar, Fondacioni V për Kërkimin e Kancerit shpalli Grantin e Studiuesit “Sarah Ferguson V” për Kërkimin e Kancerit të Gjirit për nder të Dukeshës së Jorkut, e cila njihet gjerësisht si Fergie.

Dukesha, 63 vjeçe, do të ndihmojë në zgjedhjen e një marrësi të grantit kërkimor deri në fund të vitit 2024 në partneritet me Komitetin Këshillues Shkencor të “Fondacionit V”.

Nisma e re përputhet me avokimin e saj të gjatë për pacientët me kancer, të mbijetuarit dhe kërkimet si mbrojtëse e Trustit të Kancerit Adoleshent dhe punës së fondacionit të saj në “Sarah’s Trust”.

“Mezi pres të punoj me Komitetin Këshillues Shkencor të Fondacionit V në përzgjedhjen e marrësit të grantit dhe për të vazhduar punën e madhe së bashku. Vetëm javën e kaluar ne mblodhëm mbi 500 mijë dollarë për kërkimin e kancerit në ngjarjen e tyre vjetore në Napa”, tha ajo.

Fergie, pati një mastektomi të vetme të suksesshme gjatë verës pasi u diagnostikua me kancer gjiri gjatë një kontrolli rutinë.

Duke treguar se si vajzat e saj, Princesha Beatrice dhe Princesha Eugenie, e kanë mbështetur atë që nga diagnoza e saj, ajo tha –“dy vajzat e mia të mrekullueshme janë nxitëset e mia të përzemërta, kampionët e mi të përkushtuar dhe shoqet e mia të shpirtit, dhe ato kanë qenë aq mbështetëse”.

Fergie e ka vlerësuar zbulimin e hershëm si kritik në historinë e saj dhe u thotë njerëzve se është mirënjohëse për të mbrojtur sot.

“Zbulimi i hershëm është absolutisht kyç dhe mund të më ketë shpëtuar jetën. Është e lehtë të harrojmë t’i japim përparësi shëndetit dhe kujdesit tonë proaktiv. Sikur motra ime e dashur të mos më kërkonte të mbaja takimin që pothuajse e anulova, mund të mos e kisha kapur kancerin aq herët sa të mund ta trajtoja atë në mënyrë sa më efektive”, ka shtuar ajo.

Në fund të qershorit, një përfaqësuese e Dukeshës së Jorkut zbuloi se ajo u diagnostikua me një formë të hershme të kancerit të gjirit në një mamografi të planifikuar dhe iu nënshtrua një operacioni.

Dukesha i mbajti fansat të përditësuar gjatë verës për rikuperimin e saj dhe shtoi se ndihet e emocionuar që sot gëzon shëndet më të mirë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.