Ashtu edhe siç e kishin paralajmëruar ditë më parë, treshja e njohur e estradës se muzikës shqiptare, rep artistët, Melinda Ademi dhe Gjiko, si dhe këngëtarja, Nora Istrefi, kanë publikuar projektin e tyre të përbashkët me titull – “Ay Caramba”.
Këngës “Ay Caramba”, artistët i kanë bashkangjitur edhe një video klip nga ata më të veçantit duke i dhënë nuanca latine përshtatur edhe me muzikën e këngës të influencuar nga kultura spanjolle.
Teksti i këngës është shkruar nga vetë Melinda dhe Gjiko bashkë me Petrit Sefaj, ndërsa producimin e ka bërë kompania “Redbox Entertainment”.
Kombinimi i tre artistëve ishte mes surprizave të kësaj vere, teksa ata janë përkujdesur që dukjet e tyre të jenë të kuruara deri në detajet më të vogla.
Melinda e Nora, të njohura për fizikun e tyre janë paraqitur me veshje që vënë në pah format trupore, ndërsa në anën tjetër, rep artisti, Gjiko, ishe transformuar në rolin e një shigjetari, përcjellë me mimika komike dhe interesante.
Për grimin e artisteve është përkujdesur, Sellma Kasumoviç dhe për flokët, Kaci Lleshi, ndërsa veshjet unike janë të disenjuara nga Walone Fashion Group.
Ndryshe, ky është bashkëpunimi i dytë trio që është hedhur në treg sepse ditë më parë, një i tillë u publikua edhe nga këngëtarët, Butrint Imeri, Kida dhe Ledri Vula.
Në anën tjetër, bashkëpunimi trio mes Melinda Ademit, Gjikos dhe Nora Istrefit, është mirëpritur nga fansat e artistëve që nga fillimi, ndërsa për më pak se 12 orë ka arritur shifrën e afro 500 mijë klikimeve në YouTube.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fituesi i “Eurovision 2024”, Nemo i kërkon Zvicrës të njohë gjininë e tretë
-
Me “Hit Me Hard and Soft”, Billie Eilish po vazhdon t’i bëjë gjërat në mënyrën e saj
-
Magjia e kryeveprave botërore mbështjell skenën e Chopin Piano Festival
-
Qeveria kroate jep 50 mijë euro për Baby Lasagna pas suksesit në Eurovision, por ai nuk i pranon: Ia dhuron dy instituteve mjekësore
Lajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
“Paaftësi”, “papërgjegjësi”, “joseriozitet”, “fitore e pushtetit, jo e shtetit”, shansi i humbur për t’u anëtarësuar në KiE