Në Premier League, gjithë fokusi është kthyer te lufta për pozitat Champions, pas humbjes së Leicester City-t përballë Newcastle të premten në mbrëmje.
Liverpool dhe West Ham janë skuadrat që janë në ndjekje të Leicester-it, me Tottenham-in dhe Everton-in që kanë mbetur shumë prapa.
Liverpool arriti fitoren 2-0 përballë Southampton-it dje, dhe një fitore në ndeshjen e mbetur përballë United-it, do t’i afronte vetëm tre pikë me vendin e katërt.
Ndërkohë, një fitore sot, do ta afronte West Ham-in në vetëm dy pikë.
Çekanët presin pikërisht Everton-in e “pashpresë” në “London Stadium”, me fillim në orën 17:30.
Mungesë te vandasit është vetëm Masuaku, kurse te mysafirët mungon Gbamin.
Nga tre skuadrat në luftë për vendin e katërt, West Ham ka orarin më të lehtë në letër në tre ndeshjet e fundit.
Një fitore eventuale sot, do të linte çdo mundësi të hapur për skuadrën e Moyes.
Manchester United tashmë me një këmbë në Champions për sezonin e ardhshëm, kërkon t’ia shtyjë festën e titullit rivalëve të qytetit.
Djajtë e kuq udhëtojnë për t’u përballur me Aston Villa-n në orën 15:05, skuadër kjo që ka siguruar mes tabelën.
Arsenal-i pa objektiva, në orën 20:00 pret West Brom-in e cila sezonin tjetër do të luaj përsëri në Championship.
Kurse, ditën e hapin ujqërit e Wolves, të cilët presin Brighton-in në “Molineux”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Balla takim në Drejtorinë e Policisë Kombëtare të Spanjës: Thellojmë bashkëpunimin, grupe të përbashkëta hetimore për aktivitetet kriminale
-
Tre turistë spanjollë dhe një afgan u vranë nga një sulm në Afganistan
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE