Drejtuesit e Komitetit Olimpik të Kosovës, në krye me presidentin Ismet Krasniqin, gjatë ditës së hënë, kanë pritur në takim ushtruesin e detyrës së presidentit të Komitetit Olimpik të Evropës, Niels Nygaard, i cili po e vizitoi për herë të parë KOK-un.
Presidenti Krasniqi duke i uruar mirëseardhje u.d. presidentit Nygaard, e njoftoi me sfidat e sportit tonë në kohë të pandemisë Covid 19, si dhe përgatitjet që KOK-u po bënë për Lojërat Olimpike Tokio 2020.
I pari i KOK-ut shprehu gatishmërinë për të bashkëpunuar me Komitetin Olimpik të Evropës, derisa kërkoi nga ai që në të ardhmen në Komisionet e KOE-s të përfshihen edhe përfaqësues të KOK-ut.
U.d. i presidentit të KOE-së, Nygaard, konfirmoi mbështetjen për Komitetin Olimpik të Kosovës, ndërsa vlerësoi lartë të arriturat, me theks të veçantë medaljen e artë olimpike të Majlinda Kelmendit, të fituar në Lojërat Olimpike Rio 2016.
Nygaard foli edhe për progresin që po bënë KOE për organizimin e Lojërave Evropiane 2023, për të cilat theksoi se shumë sporte do të vlejnë edhe si kualifikuese për Lojërat Olimpike Paris 2024.
E pranishme në takim ishte edhe zëvendësministrja për Kulturë, Rini e Sport, Daulina Osmani, e cila gjithashtu shprehi mirënjohje për vizitën e Nygaard në Kosovë, teksa konfirmoi bashkëpunimin e mirë që ka MKRS-ja me Komitetin Olimpik të Kosovës dhe federatat sportive në Kosovë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Raporti: KFOR-i e negocioi largimin e terroristëve nga Banja
-
Vendet evropiane të marrin shembull nga marrëveshja jonë me Shqipërinë për emigrantët, thotë Meloni
-
Washingtoni i kujdesshëm, verdikti i Hagës është një armë shtesë për të ushtruar presion ndaj Netanyahut
-
Grenell i kishte propozuar Trump-it që ta vizitojë Thaçin në Hagë, thotë NYT