Ende nuk është kthyer nga Brukseli Aleksandër Vuçiç, por Ministria e Punëve të Jashtme të Rusisë ka njoftuar se do të ketë biseda të nivelit të lartë me ministrin serb, për të diskutuar rreth agjendës së përbashkët.
Siç njofton MPJ e Rusisë në Twitter, “me 22 gusht Ministri i Punëve të Jashtme të Rusisë, Sergey Lavrov, do të zhvillojë bisedë me Ministrin e Punëve të Brendshme të Serbisë, Aleksandër Vulin”.
Në këtë njoftim janë dhënë në vija të përgjithshme edhe temat e bisedës.
“Dy ministrat do të bisedojnë për çështjet aktuale dhe agjendën e përbashkët Rusi-Serbi. Do të shkëmbejnë pikëpamje edhe në tema ndërkombëtare dhe çështje rajonale”.
Është pikërisht kjo qasje e Serbisë, të cilën e ka theksuar edhe kryeministri i Kosovës, Albin Kurti, në një intervistë për BBC-në në gjuhën serbe.
“Serbia do paratë e Bashkimit Evropian e miqësinë e Rusisë”, bashkuar edhe me investimet kineze e tolerancën amerikane, pati deklaruar Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Tani Netanyahu është i rrethuar nga gjeneralët dhe vendi është me Ushtrinë
-
Nis takimi i Osmanit me nënsekretaren amerikane Elizabeth Allen
