Ministrja e Arsimit dhe Sportit, Evis Kushi, të dielën e 6 shtatorit, ka uruar nxënësit që nisin nesër vitin e ri shkollor, përmes një video-mesazhi.
Ajo ka theksuar se janë marrë të gjitha masat e nevojshme për ta nisur “mbarë” këtë vit shkollor.
Kujtojmë që, nxënësit prej 1 shtatorit kanë zhvilluar mësime plotësuese për të përsëritur temat e vitit të kaluar.
Gjithashtu, gjuha angleze do të jetë e detyrueshme që në klasën e parë. Edhe gjatë fjalës së mbajtur nga foltorja e Kuvendit, Kushi ka folur mbi reformat për arsimin, në katër vitet e ardhshme.
Ajo ka theksuar se do të ketë risi në sistemin arsimor, sa i përket programit të sporteve, arteve, zhvillimit të kompetencës digjitale dhe futjes së gjuhës angleze që nga klasa e parë.
Ndërsa librat janë falas për nxënësit nga klasa e parë deri në të nëntën.
Klasat e ciklit fillor dhe atij të ulët, kanë marrë librat shkollorë falas, siç është lajmëruar edhe më herët.
Pjesë përftuese e kësaj skeme, do të jenë edhe fëmijët në nevojë për klasat 10-12. Ndërsa ata nga klasa e parë deri në të nëntën, do t’i përfitojnë të gjithë falas.
280 mijë nxënës, janë pjesë e gjithë kësaj skeme. Ndërsa librat, janë botime nga prestigjiozët botërorë si “Oxford”, “Pearson” dhe “Cambridge”.
Ndër të tjera, ministrja ka bërë thirrje për respektimin e masave mbrojtëse dhe higjienikë kundër përhapjes së pandemisë COVID-19.
Para muajit shtator janë riparuar dhe ambiente shkollore ku do të akomodohen nxënësit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Parashikimi i motit, 19 maj 2024
-
Dhërmi/ Ranë në kontakt me rrymën elektrike, ndërron jetë pronari i hotelit dhe dy punonjës në gjendje të rëndë
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Sullivan pritet të takojë Netanyahun, i cili është nën presion politik
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit