Kurti në takim me komisionarin Didier Reynders: Sundimi i ligjit kusht themelor për shoqërinë demokratike
Kryeministri i Kosovës, Albin Kurti, është takuar me Komisionarin Evropian për Drejtësi, Didier Reynders, të cilin e ka njoftuar për planet e Qeverisë, për reformë në drejtësi siç është procesi i Vettingut.
Kurti, përmes një shkrimi në Twitter, ka theksuar se “sundimi i ligjit është një kusht themelor për shoqërinë demokratike”.
“Me Komisionarin për Drejtësi, Didier Reynders, diskutuam gjerësisht planet tona për forcimin e institucioneve të drejtësisë, përfshirë procesin e Vettingut. Ne e mirëpresim mbështetjen e tij për agjendën tonë të reformave”, ka shkruar Kurti.
Rule of law is a fundamental value of the #EU & a basic condition for democratic society. With🇪🇺 Comm. for Justice @dreynders we discussed at length our plans for strengthening justice institutions, including the vetting process. We welcome his support for our reform agenda. pic.twitter.com/cdt2mMa0Hk
— Albin Kurti (@albinkurti) April 28, 2021
Në takim ishin edhe zëvendëskryeministri për Integrim Evropian, Zhvillim dhe Dialog, Besnik Bislimi dhe zëvendëskryeministrja, njëherësh ministre e Punëve të Jashtme dhe Diasporës, Donika Gërvalla-Schwarz.
Kryeministri Kurti, gjatë qëndrimit të tij në Bruksel, të enjten do të takohet edhe me Sekretarin e Përgjithshëm të Organizatës së Traktatit të Atlantikut të Veriut (NATO), Jens Stoltenberg.
“Të Enjten, 29 Prill 2021, Sekretari i Përgjithshëm i NATO-s, Z. Jens Stoltenberg, do të takohet me Z. Albin Kurti nga Kosova në Selinë e NATO-s”, thuhet në njoftimin e faqes zyrtare të NATO-s.
Ndërkohë, Kurti gjatë të mërkurës së 28 prillit, ka zhvilluar takimin e tij me kryeministrin e Belgjikës, Alexander Decroo.
Përmes postimit të ti në Twitter, Kurti ka treguar se bashkë me De Croo, kanë biseduar lidhur me angazhimin e Kosovës për të qenë pjesë e familjes së Bashkimit Evropian dhe prioritetet e Kosovës në drejtësi.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nga Emiljano Shullazi te Albert Zaja, dalin sot para gjykatës 5 anëtarët e tjerë të grupeve kriminale
-
Osmani kërkon nga ministrja e Katarit rritje të bashkëpunimit
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës
-
Selimi vlerëson se pas dështimit në Këshill të Evropës, sanksionet ndaj Kosovës mund të pezullohen
Lajmet kryesore
-
Ebrahim Raisi humb jetën pas rrëzimit të helikopterit, qeveria mbledhje urgjente
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë
-
Liderët globalë shprehin ngushëllime për vdekjen e presidentit iranian
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës