Kriza energjetike, Shqipëria pjesë e Forumit të Këshillit Atlantik në Dubai

Zyrtarë qeveritarë dhe ekspertë nga e gjithë bota po mblidhen në Dubai këtë javë në Samitin e Qeverisë Botërore 2022 (WGS2022).

Kjo për të adresuar disa nga çështjet dhe sfidat më urgjente me të cilat përballet njerëzimi aktualisht.

Sesionet do të fokusohen në zhvillimet e ardhshme në sektorë të ndryshëm dhe si t’i shfrytëzojmë ato për të përfituar shoqëritë dhe për të ndihmuar në ndërtimin e një bote të qëndrueshme për brezat e ardhshëm.

Pjesë  e këtij forumi do të jetë edhe ministrja e Infrastrukturës dhe Energjisë, Belinda Balluku.

Forumi Global i Energjisë i Këshillit Atlantik mbledh çdo vit vendimmarrësit kryesorë në botë për energjinë dhe politikën e jashtme.

Aty vendoset agjenda globale e energjisë për vitin në vijim dhe shqyrtohen implikimet afatgjata gjeopolitike dhe gjeoekonomike të ndryshimit të sistemit të energjisë.

Tani në vitin e tij të gjashtë, Forumi vjen si konferencë e energjisë për të diskutuar çështjet gjeopolitike dhe të tregut me të cilat përballet industria e energjisë në vitin e ardhshëm, për të zhvilluar partneritete të reja dhe për të demonstruar udhëheqje të mendimit mbi tendencat globale të energjisë.

Ai do të ketë një fokus të veçantë në plotësimin e kërkesës afatshkurtër për energji, duke mos humbur objektivat thelbësore.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.