Sipas raportimeve nga Spanja, Juventus ka rënë dakord për një marrëveshje për të nënshkruar mesfushorin italian Jorghinho si një transferim i lirë në verë.
32-vjeçari ka një kontratë me Arsenal-in deri në qershor, por “TodoFichajes” pretendon se Jorginho nuk do të rinovojë kontratën me “Topçinjtë” në favor të rikthimit në Itali.
Pavarësisht përpjekjeve të “Topçinjve” për të zgjatur qëndrimin e tij në Londër, futbollisti e ka të qartë se këtij kapitulli i ka ardhur fundi dhe faqja spanjolle e lajmeve pretendon se Juventus-i tashmë ka siguruar ardhjen e Jorginho-s për verën e ardhshme.
Qëllimi i lojtarit ka qenë gjithmonë kthimi në Itali dhe mundësia për t’iu bashkuar një fuqie si Juventus-i ishte një mundësi që ai nuk mund ta refuzonte.
Reprezentuesi italo-brazilian thuhet se është një kërkesë specifike e trajnerit Max Allegri, i cili prej kohësh kërkon përvojë në mesfushë.
Jorginho pritet të nënshkruajë kontratën e fundit madhore të karrierës së tij evropiane, duke e lidhur atë me Juventus-in për tre sezonet e ardhshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League
