Shënjestrimi i vazhdueshëm i gazetarëve dhe botimeve tё pro-demokracisë po paralajmëron për një ndikim shkatërrues në lirinë e shtypit në qytet.
Të dielën në mbrëmje, Policia nё Hong Kong njoftoi se kishte arrestuar një ish-gazetar me përvojë tё Apple Daily.
Arrestimi ndodhi nё aeroport, teksa ai pёrpiqej tё largohej nga qyteti, sipas raportimeve tё Andreas Illmer nga BBC-ja.
Apple Daily u mbyll pasi zyrtarët arrestuan drejtorin e tij, nën ligjin e diskutueshëm të sigurisë kombëtare të qytetit.
Pronari i saj, manjati i medias Jimmy Lai, aktualisht po vuan dёnimin për një varg akuzash.
Lajmi për arrestimin erdhi disa orë pasi faqja e internetit e pro-demokracisё, Stand News, tha se do të hiqte dorё nga komentet për shkak të frikës nga një goditje.
Stand News është një nga portalet e fundit tё hapura tё pro-demokratike që ka mbetur tani në qytet.
Sipas njё marrёveshjeje tё vendosur, kur Britania ia ktheu pёrsёri qytetin Kinёs, Hong Kongu u garanton banorёve tё tij lirinё e shtypit.
Por, njerëzit e industrisë thonë se kjo është shkelur haptazi nё emёr tё njё ligji të sigurisë kombëtare, tё miratuar në qershor tё vitit 2020, si përgjigje ndaj protestave të demokracisë.
Ligji i ri kriminalizon shkëputjen, përmbysjen dhe bashkëpunimin me forcat e huaja dhe mbart një dënim maksimal me burgim të përjetshëm.
Ligji u përdor fillimisht kundër aktivistëve dhe drejtuesve të protestave, por në muajt e fundit autoritetet kanë synuar dhe mediat, me “viktimёn e parё” Apple Daily.
Sipas policisë, disa nga shkrimet e gazetës kishin bërë thirrje për sanksione në Hong Kong dhe Kinën kontinentale.
Shoqata e Gazetarëve të Hong Kongut e ka kritikuar arrestimin dhe i ka kërkuar policisë një shpjegim.
Chor-yung Cheung, specialist i medias në Universitetin e Hong Kong, tha se “arrestimet kanë dëmtuar seriozisht besimin e njerëzve në mbrojtjen e shtypit të lirë në Hong Kong”.
Nga ana tjetёr, autoritetet në Hong Kong dhe në territor këmbëngulin se liria e shtypit nuk do tё cenohet dhe se gazetarёt mund tё vazhdojnё punёn normalisht.
Megjithatё nuk dhanё detaje tё mëtejshme.
Zyrtarët kinezë po ashtu, vazhdimisht, kanë thënë se liritë e mediave në Hong Kong respektohen, por nuk janë absolute.
Gjatë fundjavës së kaluar, shefi i policisë së Hong Kongut, Raymond Siu, sugjeroi forcim tё legjislacionit lidhur me mediat.
Duke fajësuar në mënyrë të qartë mediat për mosbesimin e njerëzve ndaj autoriteteve, ai tha se mirëpret një ligj pёr lajmet e rreme, pёr “t’i sjellë tё përgjegjshmit para drejtësisë”.
Në maj, Shoqata e Gazetarëve të Hong Kongut lëshoi një raport, duke thënë se indeksi i lirisë së shtypit kishte arritur një rekord të ulët.
Nga 367 gazetarё, 91% thanë se liria e shtypit në Hong Kong ishte përkeqësuar, krahasuar me një vit më parë.
Deri në 85% të gazetarëve iu përgjigjen “dakord” pyetjes nёse qeveria e Hong Kong-ut është burimi i shtypjes së lirisë.
Raporti kishte dalё para goditjes sё Apple Daily.
Që nga mbyllja e Apple Daily, aktivistët për shembull kanë nxituar të ruajnё artikujt e platformave të censuruara, për të siguruar që ato tё mos zhduken.
Më parë, aktivistët kibernetikë përdorёn të njëjtën qasje për të arkivuar dokumentarët e televizionit publik, RTHK, pasi media tha se do të hiqte disa nga materialet e saj.
Dikur RTHK ishte kritik ndaj qeverisë, por kjo ndryshoi kur autoritetet ndërruan drejtorin e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tani Netanyahu është i rrethuar nga gjeneralët dhe vendi është me Ushtrinë
-
BQE ushtron presion mbi bankat evropiane: Largohuni menjëherë nga Rusia – Moska kërcënon me shpronësim
-
Sullivan pritet të takojë Netanyahun, i cili është nën presion politik
-
Kush janë hebrenjtë ultraortodoksë dhe pro-palestinezë?
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Tani Netanyahu është i rrethuar nga gjeneralët dhe vendi është me Ushtrinë
-
Nis takimi i Osmanit me nënsekretaren amerikane Elizabeth Allen