Prokuroria e Posaçme kundër Korrupsionit dhe Krimit të Organizuar (SPAK) ka dorëzuar në GJKKO kërkesën për arrestimin e ish-deputetit socialist, Alqi Bllako.
Gjykata e Posaçme kundër Korrupsionit dhe Krimit të Organizuar ka konfirmuar për Albanian Post dorëzimin e kërkesës.
Procedura kërkon që pas marrjes së vendimit, Policia e Shtetit të kryejë ekzekutimin e vendimit.
Përmes një letre të dërguar kreut të SPAK-ut Arben Kraja, Kryetarja e Kuvendit, Lindita Nikolla, deklaronte se rruga ligjore është e hapur që Bllako të arrestohet nga organet kompetente.
Kjo, me kërkesë të Prokurorisë së Posaçme.
Zyrtarisht nga 30 marsi Alqi Bllako nuk është më deputet i Parlamentit të Shqipërisë dhe, rrjedhimisht, nuk mund të gëzojë imunitet.
Alqi Bllako dhe ish-ministri i Mjedisit, Lefter Koka, dyshohet se kanë falsifikuar dokumentin për llojin e tokës ku do të ndërtohej inceneratori i Fierit.
Ish-zyrtarët shqiptarë e kanë paraqitur sikur ndërtesa e inceneratorit do të bëhej në tokë truall.
SPAK ka provuar se ajo është ndërtuar në tokë arë, vlera e së cilës është më e lirë.
Ky falsifikim i ka sjellë buxhetit të shtetit një dëm prej rreth 14 milionë e 964 mijë e 900 lekësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Vizita e Cameron në Tiranë: Fokus emigrantët dhe plani për gjyqësorin
-
Emigrantët, gjysma e BE-së kërkon të ndjekë modelin e Shqipërisë me Italinë
-
Kryeministri sllovak jashtë rrezikut për jetën, por mbetet në terapi intensive
-
Allen pas takimit me Kurtin: Të zbatohen të gjitha marrëveshjet që kanë bërë Kosova dhe Serbia
