Skuadra gjermane e Freiburg-ut ka luajtur në Stadiumin “Schwarzwald” ndeshjen e fundit, të cilën e fitoi me rezultatin 3-0 përballë Augsburg-ut në fundjavën e kaluar.
Klubi ka njoftuar se tashmë do të luajë në stadiumin e ri “Europa-Park”. Ndeshja e parë në këtë stadium pritet të jetë më 16 tetor përballë Leipzig-ut.
Në Stadiumin “Schwarzwald”, ata luanin që nga viti 1955.
Stadiumi i vjetër i “Qytetit të Gjelbër” në Gjermani ka rreth 24 mijë vende. Stadiumi i ri ka 34 mijë e 700 vende, që besohet se janë të mjaftushme për një qytet me mbi 200 mijë banorë.
Freiburgu është qyteti më i gjelbëruar dhe me më shumë orë me diell në Gjermani. Ndaj dhe miqësia që ky qytet ka me mjedisin është treguar edhe te stadiumi i ri.
“Europa-Park” ndodhet në ultësirën e Pyllit të Zi. Në të janë vendosur panele diellore, të cilat do të prodhojnë 2.3 milionë kWh në vit.
Energjia e prodhuar do të akumulohet dhe ruhet në bateri, në mënyrë që të përdoret kur të jetë nevoja, qoftë për klubin ose për qytetin.
Gjithashtu është bërë e mundur që nga kjo energji të përfitojnë edhe banorët për t’i karikuar makinat elektrike, biçikleta elektronike, skuterat elektronikë dhe telefonat. Do të ketë disa stacione karikimi përreth stadiumit.
Stadiumi i vjetër “Schwarzwald” nuk do të shembet, por do të shërbejë përsëri për klubin. Aty do të zhvillojë ndeshjet ekipi i femrave të Freiburg-ut.
Pamje nga “Schwarzwald-Stadion”:
Pamje nga “Europa-Park”:
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League