Presidenti i Kroacisë, Zoran Milanoviç, ka lëshuar një deklaratë të çuditshme duke thënë se “Serbisë ia kemi vjedhur Kosovën”.
“Ne dhe bashkësia ndërkombëtare aneksuam Kosovën; kush e bëri atë veç nesh; nuk është aneksim, është shpronësim”, deklaroi ai për mediat kroate kur iu kërkua të bëjë një krahasim mes Kosovës dhe Krimesë.
“Ne dhe bashkësia ndërkombëtare e bëmë këtë”, përsëriti ai.
“Ta kuptoni se Serbia dhe Rusia nuk janë njësoj… se, për fat të keq, ky është një fakt i dhimbshëm dhe një rrezik ne e aneksuam Kosovën. Ne dhe komuniteti ndërkombëtar. Është marrë nga Serbia. Kush e bëri atë përveç nesh?”, tha Milanoviç.
Këto deklarime të tij erdhën derisa fliste për gjendjen e ushtrisë kroate dhe dërgimin e tyre në Lituani për t’u stërvitur.
Nuk është hera e pare që Milanoviç jep deklarata të tilla të cilat nuk merr mundin t’i sqarojë më shumë.
Ai në disa raste ka kritikuar edhe qasjen e perëndimit për çështje të ndryshme.
Për një nga deklarata e tij për luftën në Ukrainë, pati marrë lëvdata zyrtare nga Ministria e Punëve të Jashtme të Rusisë.
Ndërsa propagandisti kryesor i presidentit rus, Vladimir Putin, Vladimir Solovjov, përmes emisionit të tij në kanalin shtetëror rus Rusia 1, lavdëroi presidentin e Kroacisë, Zoran Milanoviç dhe transmetoi deklaratën e tij në të cilën ai tha se “Uashingtoni dhe NATO po bëjnë një luftë kundër Rusisë përmes Ukrainës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nga presionet politike te krimi i organizuar, bilanci i Altin Dumanit te “Ligjet”
-
Gjiknuri: I qëndrojmë variantit të votimit me postë për Diasporën
-
Spanja, Norvegjia dhe Irlanda njohin Palestinën: Precedentët e mëparshëm dhe pse asgjë nuk ndryshon
-
PDK po dëshiron ta shmang elefantin në dhomë – Asociacionin