Branbiç pas takimit me ministren austriake: Pa themelimin e Asociacionit dialogu me Kosovën e humb kuptimin e tij
Kryeministrja e Serbisë, Ana Branbiç, është takuar me ministren për Bashkimin Evropian dhe Kushtetutën e Austrisë, Karoline Edstadler, me të cilën ka biseduar për dialogun mes Kosovës dhe Serbisë, raportojnë mediat serbe.
Siç thuhet në njoftimin e Qeverisë së Serbisë, Brnabiç ka theksuar se “formimi i Asociacionit të Komunave me Shumicë Serbe është pritur për 10 vjet dhe se pa themelimin e tij vazhdimi i dialogut për normalizimin e marrëdhënieve e humb kuptimin”.
Ajo ka thënë se Serbia vlerëson përkushtimin e Austrisë në procesin e integrimit evropian të Serbisë dhe se shpreson në mbështetje të vazhdueshme për Serbinë në këtë rrugë.
“Serbia është e vendosur të vazhdojë procesin e reformave, veçanërisht kur bëhet fjalë për sundimin e ligjit”, theksoi ajo.
Të dielën, Edstadler, në një prononcim për një nga mediat e pakta në gjuhën serbe në Kosovë “Kosovo-Online”, tha se progresi në procesin e dialogut ndërmjet Kosovës dhe Serbisë është i domosdoshëm për stabilitetin e rajonit.
“Progresi në dialog është i domosdoshëm për stabilitetin e rajonit. Ne presim angazhim të mëtejshëm dhe konstruktiv të palëve në mënyrë që të zbatohen shpejt të gjitha marrëveshjet”, tha Edstadler, e cila do të vizitojë Beogradin të hënën.
Ajo theksoi se Austria e mbështet Bashkimin Evropian në rolin e saj si lehtësuese në dialog, ndërsa shtoi se Serbia – vend kandidat për anëtarësim në BE – duhet t’i harmonizojë politikat e saj me ato të BE-së, veçanërisht pas agresionit rus në Ukrainë.
“Është e rëndësishme që Evropa të jetë e bashkuar – si një komunitet vlerash – dhe të mos lejojmë ndarje. Këtu, natyrisht, përfshihen edhe vendet kandidate, të cilat janë partnerë të pazëvendësueshëm për ne”, theksoi Edstadler.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kush janë hebrenjtë ultraortodoksë dhe pro-palestinezë?
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
Gantz: Kërkojmë një plan për Gazën deri më 8 qershor ose do të largohemi nga qeveria
-
Të punosh në Vatikan: Vetëm një ditë leje për lindjen e fëmijëve, sanksione edhe për sjelljen në jetën private
Lajmet kryesore
-
Liderët e “VLEN”-it në Prishtinë për të marrë “bekimin” e Kurtit për koalicionin me Mickoski-n
-
SPAK zbardh aleancat mes bandave: Nga Martinaj te klani Duka, dhuna e egër karakteristikë e tyre
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit