Joe Biden, presidenti i Shteteve të Bashkuara të Amerikës, i ka dërguar letër presidentit serb, Aleksandër Vuçiç, në ditën kombëtare të Serbisë dhe mes tjerash ia ka përmendur njohjen e Kosovës.
Në letrën dërguar për ditën e 15 shkurtit, Biden shkruan se SHBA-të mbështesin Serbinë në qëllimet e saja drejt integrimit, por gjithashtu edhe normalizimin e raporteve me Kosovën.
“Ne mbesim të palëkundur në mbështetjen tonë për Serbinë dhe synimet e saj për integrime evropiane dhe ju kurajojmë që të vazhdoni të merrni hapat e vështirë për të arritur qëllimin – duke përfshirë këtu reformat e nevojshme dhe arritjen e një marrëveshje për normalizim raportesh me Kosovën me synim kryesor njohjen reciproke”, thuhet në letrën e presidentit amerikan.
Mediat serbe raportojnë se Vuçiç është pyetur për letrën e Biden.
Agjencia serbe e lajmeve Tanjug citon Vuçiç-in të ketë thënë se në asnjë organizatë ndërkombëtare, përfshirë këtu edhe Bashkimin Evropian, njohja e Kosovës nuk është një nga kushtet.
“Nuk shkruan në asnjë akt diçka e tillë”, ka thënë politikani serb, duke aluduar se rruga e Serbisë drejt BE-së s’ka pse lidhet domosdoshmërisht me njohjen e Kosovës.
Vuçiç ka pohuar gjithashtu se tashmë e ka kuptuar se Amerika ka një politikë të re në raport me çështjen e Kosovës, ndryshe nga administrata e Donald Trump.
“Por përgjigja ime nuk do të ndryshojë. Do të jetë e njëjtë me atë të katër shtatorit në Shtëpinë e Bardhë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
Protestuesit në Izrael kërkojnë dorëheqjen e Netanyahut dhe lirimin e pengjeve
-
53 milionë lekë dëm shtetit, arrestohet 1 person në Tiranë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit