Halloween-i është shumë pranë dhe agjencia e lajmeve “Euronews” ka risjellë në vëmendje figurat mitike, të cilat do t’i shoqërojnë njerëzit gjatë gjithë nëntorit.
Fillimisht artikulli ka përshkruar një krijesë mitike sllave, Baba Yaga-n.
Në folklorin e Evropës Lindore, ajo është një shtrigë e pangopur dhe e deformuar, e cila rrëmben viktimat e saj para se t’i gatuajë dhe t’i hajë ato.
Zakonisht viktimat e saj janë fëmijët për shkak se mishi i tyre është më i butë.
Nëse kjo nuk do të ishte mjaftueshme, ajo ndonjëherë i bashkohet vdekjes në udhëtimet e saj, duke e ndihmuar atë të gllabërojë shpirtrat e sapo liruar.
E thënë thjesht, ajo është frymëzimi i frikshëm për të gjithë krerët e pyllit, shtrigat e liga apo kumbarat e liga, që hasen në tregimet dhe filmat për fëmijë.
Baba Yaga në të vërtetë i referohet një gjysheje të keqe.
“Baba” është një fjalë sllave për “plakë”, “gjyshe” ose “shtrigë”.
Sa i përket pjesës “Yaga”, është një përbërje fjalësh që do të thotë “gjarpër” ose “e ligë”.
Me një hundë në madhësinë e Pinokut, e cila shkon deri në tavan, dhëmbë të pathyeshëm, dhe kocka të holla që duken pavarësisht dietës së saj.
Këto janë fjalë që përshkruajnë zakonisht Baba Yaga-n.
Ajo fluturon me një kazan hekuri.
Dhe nëse ende nuk jeni të sigurt se e keni identifikuar saktë, shtëpia e saj është mjaft unike, një kasolle e vendosur në majë të një palë këmbësh pule gjigante, në lëvizje dhe që kërcejnë.
Kjo do të thotë se shtëpia e kanibales mund të ndjekë njerëzit dhe se askush nuk mund të futet brenda nëse nuk di frazën magjike: Ktheje shpinën nga pylli ndërsa pjesën përpara, meje.
Gardhi i saj është gjithashtu i mbuluar me kafka njerëzore, një nderim për viktimat e saj si dhe një paralajmërim mjaft i qartë se me të nuk duhet të ngatërrohesh.
Ka shumë tregime të tmerrshme të Baba Yaga-s, por historia më e njohur është ajo e bukuroshes Vasilia, versioni evropian lindor i Hirushes.
Pas vdekjes së nënës së saj, babai i Vasilia-s rimartohet me një grua me dy vajza.
Njerka dhe vajzat e saj e keqtrajtojnë atë.
Kur babai i saj niset për një udhëtim të gjatë, njerka e Vasilia-së shfrytëzon rastin për ta hequr qafe.
Asaj iu dha për detyrë të kërkojë Baba Yaga-n për të sjellë më shumë dritë në shtëpi, pasi ata jetojnë me dritën e qirinjve.
Vasilia gjen plakën, e cila më pas i jep asaj një sërë punësh pothuajse të pamundura.
Punë të cilat ajo duhet t’i kryejë përndryshe Baba Yaga do ta hajë.
Pasi arrin të kryejë detyrat, Baba Yaga e mban premtimin dhe e liron Vasilia-n, e cila kthehet në shtëpi me një kafkë që shkëlqen dritë nga sytë.
Ky shkëlqim djeg familjen e saj të re.
Baba Yaga në këtë rast është një pengesë po ashtu edhe një shpëtimtare, një version i shtrembëruar i kumbarës së zanave, e cila është një antagoniste pa qëllim të qartë.
Ajo është gjithashtu një figurë enigmatike, pasi disa personazhe e kërkojnë mençurinë e saj.
Për të marrë këshillën e saj, duhet t’i afrohesh me kujdes dhe me respekt.
Gjithashtu këshillohet që të mos i bëni asaj shumë pyetje.
Së fundi, Baba Yaga është bërë një ikonë feministë.
Imazhi i një plake të fuqishme që bën gjithçka që i pëlqen është bërë aspiruese për shumë njerëz, ajo madje kishte një rubrikë këshillash, “Pyet Baba Yaga” në faqen e internetit “The Hairpin”-i, e cila u themelua në vitin 2010 dhe pushoi së publikuari në vitin 2018.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE