Shumë herë kam menduar: “Putin-i nuk do ta bënte kurrë këtë. Por, pastaj, ai shkon dhe e bën atë”.
“Ai nuk do ta aneksonte kurrë Krimenë, me siguri?”. Ai e bëri.
“Ai kurrë nuk do të fillonte një luftë në Donbas?”. Ai e bëri.
“Ai kurrë nuk do të fillonte një pushtim të plotë të Ukrainës”. Ai tashmë e ka bërë.
Fraza “nuk do ta bëja kurrë”, duket se nuk vlen për Vladimir Putin.
Dhe kjo ngre një pyetje: “Ai kurrë nuk do ta shtypte butonin bërthamor i pari… apo jo?”.
Nuk është një pyetje teorike.
Udhëheqësi rus sapo ka vënë forcat bërthamore të vendit të tij në gatishmëri “speciale”, duke u ankuar për “deklarata agresive” mbi Ukrainën nga liderët e NATO-s.
Kur ai njoftoi në TV “operacionin e tij special ushtarak”, dha një paralajmërim rrëqethës: “Për këdo që do të konsideronte të ndërhynte nga jashtë – nëse e bëni këtë, do të përballeni me pasoja më të mëdha se çfarëdo që jeni përballur në histori”.
“Fjalët e Putin-it duken si një kërcënim i drejtpërdrejtë i luftës bërthamore”, thotë laureati i Çmimit Nobel për Paqe, Dmitry Muratov, kryeredaktor i gazetës “Novaya Gazeta”.
“Ky është një kërcënim se, nëse Rusia nuk trajtohet siç dëshiron ai, atëherë gjithçka do të shkatërrohet”.
Nëse Putin-i do të zgjidhte një opsion bërthamor, a do të përpiqej dikush në rrethin e tij të ngushtë ta largonte atë? Apo ta ndalonte?
“Elitat politike të Rusisë nuk janë kurrë me popullin”, thotë Muratov, “ata gjithmonë marrin anën e sundimtarit”.
Dhe në Rusinë e Putin-it, sundimtari është i plotfuqishëm.
Shënim: Një analizë nga korrespondenti i medias britanike “BBC” në Moskë, përshtatur për Albanian Post!
Lexo zhvillimet e plota të ditës së pestë KËTU
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE