Presidentes së re të vendit, Vjosa Osmani, në vizitë i shkoi edhe ambasadori i Shqipërisë në Kosovë, Qemail Minxhozi.
Temë kryesore e bisedës në këtë takim të së hënës ishte përpjekja për të siguruar vaksinat për qytetarët e Kosovës.
“Në kohën e thellimit të krizës globale me pandeminë COVID-19, ne jemi të përkushtuar maksimalisht që të sigurojmë vaksina për qytetarët tanë. Ky është prioritet mbi prioritetet për ne. Mbrojtja e shëndetit të qytetarëve dhe sigurimi i jetës së tyre është përkushtimi ynë i çdoditshëm”, ka thënë presidentja Osmani.
Tutje, në njoftimin për media thuhet se Osmani dhe ambasadori Minxhozi kanë diskutuar për mundësinë e thellimit të mëtejmë të bashkëpunimit ndërmjet dy vendeve, duke përfshirë edhe qarkullimin e lirë dhe thellimin e raporteve kulturore, ekonomike dhe politike.
Minxhozi, pasi i uroi Osmanin për zgjedhjen e saj si presidente, “e siguroi atë se shteti shqiptar do ta vazhdojë përkrahjen e mëtejme për Kosovën”.
“Ne duhet të krijojmë politika të cilat e lehtësojnë edhe më tej bashkëpunimin ekonomik dhe kulturor ndërmjet të dyja vendeve”, ka thënë ai.
Ndërkohë në po të njëjtën ditë edhe Kryeministri i Kosovës, Albin Kurti, në zyrën e tij ka pritur Ambasadorin e Sllovenisë në Kosovë, Bojan Bertoncelj.
“Ambasadori Bertoncelj theksoi se gjatë presidencës së ardhshme të Bashkimit Evropian, që fillon në korrik, një ndër prioritetet e Sllovenisë do të jetë Ballkani Perëndimor dhe zgjerimi i BE-së, dhe se Sllovenia do të mbështesë Kosovën në synimet e saj për integrim euro-atlantik”, thuhet në njoftimin nga zyra e kryeministrit.
Duke folur për procesin e integrimit evropian, Kurti “ka vlerësuar faktin që Sllovenia do të udhëheqë me presidencën e BE-së dhe mirëpret vullnetin për angazhimin e Sllovenisë lidhur me liberalizimin e vizave për Kosovën dhe anëtarësimin e vendit në organizata ndërkombëtare”.
“Përkushtimi për thellim të bashkëpunimit ekonomik, politik dhe zhvillimor mes Kosovës dhe Sllovenisë është i dyanshëm”, u tha në fund të takimit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
Nga Emiljano Shullazi te Albert Zaja, dalin sot para gjykatës 5 anëtarët e tjerë të grupeve kriminale
-
Osmani kërkon nga ministrja e Katarit rritje të bashkëpunimit
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës
Lajmet kryesore
-
Ebrahim Raisi humb jetën pas rrëzimit të helikopterit, qeveria mbledhje urgjente
-
Abuzim me tendera, SPAK dërgon për gjykim ish-kryetaren e Bashkisë Patos dhe 6 zyrtarë
-
Liderët globalë shprehin ngushëllime për vdekjen e presidentit iranian
-
Policia kërkon nga vendkalimet kufitare dhe drejtoritë rajonale ndalimin e Enver Sekiraqës