Emisari Special i Shteteve të Bashkuara të Amerikës (SHBA) për Ballkanin Perëndimor, Gabriel Escobar, gjatë vizitës në Kosovë javën e kaluar, takoi edhe familjen e ish-rreshterit policor, Afrim Bunjaku, i cili u vra tragjikisht nga paramilitarët serbë më 24 shtator 2023 në fshatin Banjë të Zveçanit – komunë e banuar me shumicë serbe – në pjesën veriore të Kosovës.
Në një komunikatë për shtyp, policia njoftoi se top-diplomati amerikan i shprehu ngushëllime të sinqerta familjes Bunjaku. Gjithashtu, ndër të tjera u tha se Escobari takoi edhe Drejtorin e Përgjithshëm të Policisë së Kosovës, Gazmend Hoxha, ku u diskutua për terrorizmin e 24 shtatorit 2023 dhe situatën aktuale të sigurisë në pjesën veriore të Kosovës.
“Escobar, në prani të Ambasadorit të SHBA-së Jeffrey Hovenier dhe Atasheut të DOJ-ICITAP-it Kimberly Riffe shprehu ngushëllimet e tij të sinqerta familjes për humbjen tragjike të babait/bashkëshortit të tyre. Ngjarja ishte shumë emocionuese dhe e përzemërt dhe personalitetet e larta i shprehën ngushëllimet e tyre familjes dhe Policisë së Kosovës”, thuhet në njoftim.
Top-diplomati e përmbylli të premten (15 mars) vizitën në Kosovë, ku qëndroi për dy ditë rresht në kuadër të përpjekjeve amerikane për t’i dhënë fund krizës aktuale rreth çështjes së dinarit dhe rrjedhës së tensionuar të marrëdhënieve midis Kosovës dhe Serbisë. Ai takoi krerët shtetërorë, liderët e opozitës dhe përfaqësuesit politikë të serbëve të Kosovës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përshtatën magazinën për kultivimin e kanabisit, pranga pronarit dhe drejtorit të OSHE-së
-
Protestuesit në Izrael kërkojnë dorëheqjen e Netanyahut dhe lirimin e pengjeve
-
53 milionë lekë dëm shtetit, arrestohet 1 person në Tiranë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit
Lajmet kryesore
-
Cameron në Shqipëri, shpalos programin për të luftuar korrupsionin dhe krimin e organizuar
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Tani Netanyahu është i rrethuar nga gjeneralët dhe vendi është me Ushtrinë
-
Nënsekretarja amerikane: Me Osmanin diskutuam për udhëtimin euroatlantik të Kosovës përmes Asociacionit