Një grup grash është arrestuar nёn akuzёn e shthurrjes publike pas një fotosesioni nudo në natyrë nё qytetin e Dubait.
Video tё postuara nё internet ditёn e shtunё, tregojnё njё grup grash qё fotografohen tё zhveshura nё ballkon.
Gratё e arrestuara janё shtetase ruse. Sipas njofimeve flitet të jenë të jenë shoqëruar rreth 12 gra, por mediat ruse kanë raportuar se në xhirimin e fotove ishin të përfhsirë rreth 40 persona.
Konsullata ruse ka reaguar duke i pёrshkruar akuzat si “tё rёnda”.
“Ata iu drejtuan Konsullatës së Përgjithshme për ndihmë, por është e vështirë të bësh diçka këtu”, tha konsullata.
“Organizatori i xhirimit do tё përballet me 18 muaj burg”, raporton agjensia Ria Novosti.
Shthurja publike mbart një dënim deri në gjashtë muaj burg dhe një gjobë prej 5000 dirham (981 £).
Shumë nga ligjet e Emirateve të Bashkuara Arabe bazohen në Ligjin e Sheriatit, ku njerëzit mund tё burgosen për shfaqje publike të dashurisë dhe marrëdhënieve homoseksuale.
“Sjellje të tilla të papranueshme nuk pasqyrojnë vlerat dhe etikën e shoqërisë Emirate. Çdo person që jeton ose viziton vendin u nënshtrohet ligjeve të saj: nuk ka përjashtime për turistët”, tha nё një deklaratë policia e Dubait.
Ka pasur disa raste të arrestimeve tё turistëve nё Dubai që kanё tёrhequr veçanërisht vëmendjen.
Në vitin 2017, një grua britanike u dënua me një vit burg për marrëdhënie seksuale konsensuale me një burrë me të cilin nuk ishte e martuar. Marrëdhënia doli në dritë kur gruaja e raportoi atë për dërgimin tё mesazheve kërcënuese tek autoritetet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit