George Papandreu: “Demokracia në Greqi është e brishtë. Mitsotakis? Ai ka një dëshirë për plotfuqi”
Në vitin 2009, sapo pranoi drejtimin e ekzekutivit, ishte ai që zbuloi para botës se borxhi grek ishte jashtë kontrollit: 300 miliardë lekë, 113 për qind e PBB-së, gati dyfishi i kufirit të vendosur nga Eurozona.
Pjesa tjetër është histori: vite që grekët sot mezi presin t’i harrojnë.
George Papandreu votoi ditën e djeshme në Patras, ku u zgjodh edhe deputet i Pasok-ut dhe gjëmonte se “demokracia kërcënohet kur paratë, pushteti dhe kontrolli i medias janë në duart e pakicave”.
Gjëmimi është tek Mitsotakis-i: “Unë mendoj se problemi i tyre është një dëshirë në rritje për plotfuqi”.
Në një intervistë për “Corriere della Sera”, ai tregon se partia e Mitsotakis refuzoi çdo koalicion të mundshëm me Pasok-un.
“Ata refuzuan çdo koalicion, madje kërcënuan se do të rivotojnë në gusht nëse mandati nuk do të ishte i plotë. Edhe skandali i përgjimeve tregon një qëndrim të këtij lloji (gushtin e kaluar u zbulua se shërbimet sekrete, të drejtuara nga qeveria, po përgjonin politikanë të opozitës, përfshirë kreun e Pasok-ut, ed)”, u shpreh fillimisht Papandreu.
Ish-kryeministri grek tregoi se është i lumtur që Greqia ka dalë nga kriza, por “modeli ynë i rritjes duhet të rimendohet”, shtoi ai.
“Nëse do të fokusoheshim në energjitë e rinovueshme, do të ishim të vetë-mjaftueshëm. Por ne kemi nevojë për të rinj: shumë largohen, edhe për shkak të klientelizmit që na mbyt”, vërejti Papandreu.
Referuar investimeve të huaja, të cilat kanë arritur majat historike në Greqi, ish-kryeqeveritari pohon ato duhet të rregullohen në mënyrë që të krijojnë pasuri në vendin helen.
Sa i takon rezultatit të partisë së tij, ai theksoi se “ne po ringjallemi”.
“Kur erdha unë në pushtet, Greqia ishte një këmbë larg falimentimit. E kemi shpëtuar ekonominë, por me sakrificat e qytetarëve tanë. Kreditorët europianë i kërkuan, ne i paguam në nivel politik. Por njerëzit e kuptuan se ne ishim të ndershëm”, u shpreh Papandreu për botimin italian.
Ish-kryeministri grek nënvizoi se i ka kërkuar qeverisë një hetim për mbytjen e anijes në Pylos që u kthye në “një temë evropiane”.
“Ne i kemi kërkuar qeverisë që të kryejë një hetim. Problemi i refugjatëve, megjithatë, mbetet. Ne jemi të çmendur nëse mendojmë se muri i Mitsotakis është i mjaftueshëm. Edhe unë kam qenë refugjat”, kujton Papandreu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Perez: Orbani do të sakrifojë Kosovën për të mbajtur afër Serbinë
-
Helikopteri i presidentit iranian pëson ‘ulje të vështirë’
-
Forca Detare shqiptare dërgon anijen e dytë në operacionet e NATO-s
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
Lajmet kryesore
-
Boja që fshihet, sondazhet e rreme dhe mashtrimet: Frika e BE-së ndërsa propaganda ruse synon zgjedhjet evropiane
-
SPAK goditi 7 grupe kriminale, GJKKO konfirmon masat arrest në burg për 9 të arrestuar
-
Forca Detare shqiptare dërgon anijen e dytë në operacionet e NATO-s
-
De Rui: Drafti i Lajçakut të dërgohet në Gjykatën Kushtetuese