Arsenijeviç: Do t’i vendosi flamujt e pakicave para Qeverisë së Kosovës – institucionet s’janë veç të shqiptarëve
Kryetari i Iniciativës Qytetare “Mbijetesa Serbe”, Aleksandër Arsenijeviç, nëpërmjet një komunikate për media, ka njoftuar se më 14 qershor, në ora 12:00, do t’i vendosë flamujt e komuniteteve të njohura me Kushtetutën e Kosovës para qeverisë në Prishtinë.
Kosova, sipas tij, është themeluar në bazë të parimit të multi-etnicitetit dhe kjo duhet të shprehet edhe me anë të flamujve para qeverisë, duke kundërshtuar kështu idenë e vendosjes së flamurit të shtetit shqiptar në objektin e ekzekutivit ngase është “simbol kombëtar veç i komunitetit shqiptar”.
“Kosova është themeluar në bazë të multietnicitetit të premtuar dhe të garantuar me kushtetutë, sipas së cilës të gjitha institucionet janë të të gjithë qytetarëve dhe komuniteteve”, theksoi politikani i ri serb nga veriu i Mitrovicës.
“Megjithatë, kemi qenë dëshmitarë se në shumë institucione qendrore, pranë flamurit të Kosovës është flamuri i Shqipërisë, por jo edhe flamujt e komuniteteve të tjera të njohura me Kushtetutë në Kosovë”, shtoi ai.
Arsenijeviç ka ftuar edhe aktorë të tjerë politikë dhe organizata joqeveritare shqiptare dhe nga komunitetet tjera që mbrojnë sundimin e ligjit t’i bashkohen atij dhe të mbështesin këtë aksion për promovimin e multi-etnicitetit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE