Ka një lajm të mirë për Los Angeles Lakers pasi LeBron James është afër rikthimit në aksion, pasi mungoi në 13 ndeshjet e fundit me një dëmtim të këmbës së djathtë të pësuar më 26 shkurt.
Në raportin e lëndimeve të Lakers, ai ka shkuar nga i dëmtuar në thjesht i dyshimtë për ndeshjen e së dielës kundër Chicago Bulls.
“Ai po përparon normalisht”, tha të premten trajneri i Lakers, Darvin Ham.
“Ai thjesht po bën punën që duhet bërë që ai të bashkojë këmbën deri në fund”.
38-vjeçari ka humbur gjithsej 27 ndeshje këtë sezon, që është më së shumti që ka munguar për shkak të problemeve fizike në karrierën e tij.
Megjithatë, skuadra ka ecur mjaft mirë edhe pa superyllin e tyre. Gjatë ecurisë aktuale prej 13 ndeshjesh pa James, Lakers kanë fituar tetë dhe kanë humbur pesë.
Kjo ka përmirësuar rekordin e tyre në 37-37, që do të thotë se ata janë aktualisht në vendin e tetë dhe janë të barabartë me Wolves dhe Pelicans, një ndeshje e gjysmë pas vendit të gjashtë, vendi i fundit direkt për play-off.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohet ndarja e tribunave për dy finalet, Partizani – Egnatia dhe Skënderbeu – Vllaznia
-
“Isha më i mirë, fitoren ia dhanë për shkak të Ukrainës”, Fury pasi u mposht nga Usyku
-
Apolonia fiton Kupën e Shqipërisë për vajza
-
Bundesliga mbyll sezonin, por sytë mbeten ende nga finalja e Champions League