Kurti, Opozitës: Më keni lënë trashëgimi të keqe, më detyruat të bëhem strategjik – po ndjehem i vetmuar
Në minutat e parë të orës së parë të së premtes, kryeministri Albin Kurti, në seancën e Kuvendit që ka vazhduar në orën 22:00, ka komentuar kritikat e opozitës, duke iu thënë atyre se nuk po i adresojnë shkeljet e Serbisë, por po merren me “Asociacionin” që e kërkon presidenti serb, Aleksandër Vuçiç.
“A po e kuptoni pse po ndjehem vetë”, tha Kurti, “nuk do të duhej”.
Ai pohoi se “koncepti dhe qëllimi” i tij “s’ka ndryshuar”, por “strategjia natyrisht”.
“Edhe ajo në masë të madhe për shkak të trashëgimisë së ish-qeverive. Mua asgjë pos asaj trashëgimie s’më ka detyruar më shumë të bëhem strategjik. T’iu them të drejtën në dialog nuk kam vështirësi jashtë trashëgimive të ish-qeverive. Vështirësitë më të mëdha i kam kur trashëgimia e ish-qeverive është argument i kundërshtarëve të mi”, pohoi Kurti.
Sa për deputetët që tash po e kritikojnë për Asociacionin e Komunave me Shumicë Serbe, Kurti u tha se ishin vetë ata që e votuan.
“Unë nuk kam ndryshuar përmbajtësisht për të keq, por ju keni ndryshuar deklarativisht për të mirë. Konkretisht këtu sulmet që i përjetova, këta deputetë me datën 27 qershor 2013 e kanë votuar Zajednicën. Pra, e kuptoni, d.m.th bëhet fjalë për deputetë që e kanë votuar, por tash më kritikojnë mua, sepse këta kanë ndryshuar deklarativisht”.
“Me fjalë të tjera, edhe ky ndryshim i përjetuar edhe ky është rezultat i Vetëvendosjes. Me fjalë të tjera, nuk kam ndryshuar unë po sytë e juaj, ju po shikoni ndryshe dhe ky është kontribut i joni. Është pasojë e Vetëvendosjes direkt”.
Gjithsesi, për rreziqet që deputetët paralajmëruan, tha se i falënderon.
“I marr seriozisht shumë, i kam shënjuar me dorë se ashtu i mbaj mend më mirë. Rreziqet nga Serbia nuk bëhen, sepse jam unë në dialog, nuk i lejoj”.
Sa për Asociacionin, kryeministri sërish deklaroi se ai “nuk kalon”.
“Asociacioni ka bërë dëme të mëdha, edhe pa u realizuar, lër me ‘larg qoftë’ po të realizohej. Asociacioni mono-etnik nuk lejon as pluralizëm politik”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE