Kur Volodymyr Zelensky nisi udhëtimin e tij dramatik në Washington, DC, ai u mbajt i fshehtë disa orë para se të mbërrinte.
Kur presidenti ukrainas planifikoi një vizitë të ngjashme në Bruksel këtë javë, ajo u përhap në faqet e lajmeve plot tre ditë përpara mbërritjes së tij të pritshme.
Kishte madje një cicërimë zyrtare (të fshirë me ngut) në lidhje me të.
Me fjalë të tjera, siguria jo e madhe e operacioneve.
Udhëtimi “sekret” tani është në dyshim, vetëm pak ditë kanë mbetur përpara se Zelensky mund të arrijë për t’u takuar me liderët e BE-së gjatë një prej samiteve të tyre të rregullt të enjten.
Dhe loja e fajit është në flluskë të Brukselit.
Disa zyrtarë i thanë prestigjiozes “Politico” se Parlamenti ishte përgjegjës për rrjedhjen.
Pastaj është tweet-i.
“Ne ju mirëpresim në Bruksel, zoti President Volodymyr Zelensky”, postoi Partia Popullore Evropiane e qendrës së djathtë (EPP), grupi më i madh i Parlamentit, nga llogaria e saj zyrtare të hënën pasdite.
Postimi u fshi më vonë, por pamjet e ekranit nuk vdesin kurrë.
Disa orë më vonë, Barend Leyts, një zëdhënës i Këshillit Evropian, i cili mbledh së bashku 27 liderët e BE-së, ndërhyri.
Ai pranoi se Presidenti i Këshillit, Charles Michel, e kishte ftuar Zelensky-n “të marrë pjesë personalisht në një samit të ardhshëm të Këshillit Evropian”.
“Për arsye sigurie, nuk do të jepet asnjë informacion i mëtejshëm”.
Disa njerëz të informuar mbi diskutimet thanë se përgatitjet janë me të vërtetë duke u zhvilluar për të pritur Zelensky në Bruksel të enjten.
Plani është që Zelensky të hajë drekë me liderët e BE-së, përveç fjalimit në Parlament.
Megjithatë, rrjedhjet e së hënës mund t’i kenë rrezikuar ato plane.
Nëse Zelensky udhëton në Bruksel, do të jetë hera e dytë që presidenti ukrainas largohet nga vendi i tij që nga fillimi i luftës, pas vizitës së tij në SHBA dhjetorin e kaluar.
Për shkak të kërcënimit mbi jetën e tij që nga pushtimi i plotë i Rusisë në Ukrainë shkurtin e kaluar, vizita e Zelensky në Washington DC ishte planifikuar në fshehtësinë më të madhe, me vetëm një pjesë të vogël të zyrtarëve të lartë nga të dyja palët të përfshirë në diskutime – një kontrast i fortë me zhvillimet e fundit në Bruksel.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Hasani takim me Kaja Kallas: Diskutime për forcimin e marrëdhënieve dypalëshe
-
Osmani takohet me Hillary Clinton-in: SHBA-ja vazhdon ta ndihmojë Kosovën
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
Lajmet kryesore
-
Dekarbonizimi i ndërmarrjeve energjetike të BP-së: Plane ambicioze por fleksibël, me fokus në investime dhe teknologji të reja
-
Arrestohet IT i Gjykatës së Korçës, kancelarinë e ktheu në bazë prodhimi të dokumenteve false
-
Nikolla takim me senatorin Casini: Italia mbështet përshpejtimin e anëtarësimit të Shqipërisë në BE
-
Serwer: S’ka kuptim që Kosova të kushtëzohet me themelim të Asociacionit për t’u anëtarësuar në KiE